Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
BOTA
Vunë re një shkëlqim të papritur, astronomët zbulojnë “zgjimin” e vrimës së zezë, është një milion herë më e madhe se dielli
S.BPërditësimi i fundit 20 Qershor 2024, 19:04
vrima e zezë
SHBA- Astronomët në Observatorin Evropian të Hapësirës (ESA) kanë zbuluar një vrimë të zezë që po 'zgjohet'. Ata vunë re një shkëlqim të papritur që vinte nga një galaktikë shumë e largët, e cila është zbuluar se po shkëlqen gjithnjë e më shumë që nga viti 2019.
Vrimat e zeza janë yje të shuara me aq shumë gravitacion sa thithin gjithçka rreth tyre dhe ndodhen 300 milionë vite dritë larg. Kjo vrimë e zezë është goxha e madhe - rreth një milion herë më e madhe se dielli.
Zakonisht janë vetëm yje vërtet të mëdhenj që përfundimisht bëhen vrima të zeza. Së pari, ndërsa fillojnë të digjen, ato bëhen një supergjigant i kuq, më pas ndodh një shpërthim i pabesueshëm i quajtur supernova.
Tërheqja e gravitetit brenda një vrime të zezë është aq e fortë sa as drita nuk mund t'i ikë. Nga këtu vjen emri 'vrima e zezë' - sepse kështu duken ato në hapësirë.
Shkencëtarët kanë teorizuar se si duket në të vërtetë një vrimë e zezë - dhe një zbulim i madh u bë në vitin 2019 kur u bë 'fotografia' e parë e njërës prej tyre.
Gjithçka që dihet është se vrimat e zeza thithin materien, duke përfshirë dritën, dhe se koha në fakt ngadalësohet rreth vrimës së zezë, për shkak të gravitetit të fortë.
