Revolta kundër ndërtimeve në Zvërnec nuk është kufizuar vetëm brenda Shqipërisë. Dje dhe sot, shqiptarë që...
BOTA
Zëdhësi i OKB-së: Banorët bllokojnë rreth 90 kamionë me ndihma humanitare në Rripin e Gazës
m.lPërditësimi i fundit 22 Maj 2025, 21:51
GAZA- Një “numër i vogël” nga afërsisht 90 kamionët e OKB-së që ishin në gjendje të shpërndanin ndihmë humanitare në Gaza dje për herë të parë që nga fillimi i marsit u “bllokuan” nga banorët që përballeshin me kërcënimin e urisë, njoftoi sot një zëdhënës i OKB-së.
"Ne kuptojmë se banorët ndaluan një numër të vogël kamionësh që transportonin miell dhe ngarkesa e tyre u hoq", tha Stephane Dujarric, zëdhënës i sekretarit të përgjithshëm të Kombeve të Bashkuara, i cili nuk e përdori fjalën "plaçkitje".
"Për aq sa di unë, ky nuk ishte një akt kriminal nga njerëz të armatosur, ishte ajo që unë ndonjëherë e përshkruaj si vetëshpërndarje, gjë që pasqyron nivelin e lartë të ankthit midis banorëve të Gazës të cilët nuk e dinë se kur do të ndodhë shpërndarja e radhës", theksoi ai.
Me dritën jeshile të njoftuar nga Izraeli të dielën për hyrjen e ndihmës së kufizuar në enklavën palestineze pas dy muajsh e gjysmë bllokadë, OKB-ja po shpreh shqetësime në lidhje me rreziqet e plaçkitjeve. Pas njoftimit të së dielës, Izraeli konfirmoi se kishte lejuar afërsisht 200 kamionë të OKB-së të hynin në Rripin e Gazës përmes pikës kufitare Kerem Shalom, ngarkesa e të cilëve duhet të shkarkohet menjëherë dhe më pas të ngarkohet në automjete të tjera përpara se të arrijë në depot e OKB-së.
Sipas OKB-së, "Rreth 90 kamionë" që transportonin kryesisht ushqim për fëmijë, miell dhe ilaçe arritën të niseshin dje nga Kerem Shalom për të arritur në "destinacione të ndryshme në Gaza".
Programi Botëror i Ushqimit njoftoi gjithashtu se ishte në gjendje të furnizonte miell në disa furra buke, duke lejuar përgatitjen e "bukës së freskët për herë të parë në më shumë se 2 muaj". Sot, rreth orës 18:00 sipas kohës greke, asnjë autokolonë tjetër nuk ishte nisur nga Kerem Shalom, sipas Dujarric.
"Ngarkesa e djeshme është e kufizuar në sasi dhe nuk është e mjaftueshme për të përmbushur nevojat e 2.1 milionë banorëve të Gazës", theksoi ai, duke vënë në dukje se hyrja e llojeve të tjera të mallrave, siç janë ushqimet e freskëta, produktet e higjienës ose karburanti, ende nuk është lejuar.
