Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Zelenskyy: Duam garanci sigurie nga NATO dhe Evropa për të negociuar paqen
E.DPërditësimi i fundit 9 Dhjetor 2024, 15:23
UKRAINË- Presidenti ukrainas Volodymyr Zelenskyy theksoi sot, gjatë takimit të tij me liderin e opozitës gjermane, Friedrich Merz, rëndësinë e garancive të sigurisë nga Evropa në çdo negociatë të mundshme për t'i dhënë fund pushtimit të vazhdueshëm rus. Zelenskyy tha gjithashtu se Ukraina ka nevojë për garanci sigurie jo vetëm nga NATO, por edhe direkt nga vendet evropiane.
Më tej Zelenskyy pranoi se vendi i tij nuk ka gjasa të pranohet si anëtar i NATO-s në këtë kohë, por kërkoi edhe një herë një ftesë zyrtare për t'u anëtarësuar në Aleancë. Presidenti ukrainas u takua gjatë fundjavës në Paris me Presidentin e zgjedhur të SHBA-së, Donald Trump dhe presidentin francez Emmanuel Macron. Zelensky tha se dëshiron të bisedojë me presidentin aktual Joe Biden së shpejti me telefon për të diskutuar anëtarësimin në NATO.
“Sepse ai është presidenti aktual i Shteteve të Bashkuara, dhe natyrisht shumë varet nga mendimi i tij. Të diskutosh këtë me Trump tani, përpara se të marrë pozicionin e tij në Shtëpinë e Bardhë, nuk ka shumë kuptim," tha Zelenskyy.
SHBA ka qenë përkrahësi më i madh dhe më i rëndësishëm i Ukrainës në luftën kundër një pushtimi rus në shkallë të plotë, i cili filloi në shkurt 2022. Aleatët evropianë aktualisht nuk duken të aftë ose të gatshëm për të mbushur boshllëkun nëse Trump ndalon ose redukton ndjeshëm ndihma amerikane.
