Kryeministri në detyrë i Kosovës, Albin Kurti, ka thënë të premten se partitë politike duhet të fillojnë diskutim...
BOTA
Zjarret ‘apokaliptike’ përfshijnë Kroacinë në kulmin e sezonit turistik, 1 i vdekur e dhjetëra të plagosur
PiranjatPërditësimi i fundit 14 Gusht 2026, 18:18
Një person ka humbur jetën, ndërsa dhjetëra të tjerë janë plagosur si pasojë e zjarreve të fuqishme që kanë përfshirë orët e fundit zonat bregdetare të Kroacisë. Autoritetet kanë gjetur një person të pajetë në një prej zonave të prekura nga flakët.
Ndërkohë, më shumë se 40 persona janë dërguar në spital, kryesisht për shkak të djegieve dhe problemeve me frymëmarrjen. Shtatë prej tyre ndodhen në gjendje të rëndë shëndetësore, shkruajnë mediat kroate.
Për shkak të përhapjes së shpejtë të zjarreve, autoritetet kanë evakuuar deri tani mbi 1,200 banorë dhe turistë nga zonat më të prekura, kryesisht në Lokva Rogoznica dhe Omiš. Mes të evakuuarve ka qenë edhe një grup turistësh nga Hungaria. Ministria e Jashtme hungareze bëri të ditur se katër prej tyre kanë pësuar lëndime, ndërsa dy janë shtruar në spital.
Qindra zjarrfikës janë angazhuar në terren për të frenuar flakët, ndërsa në operacion po marrin pjesë edhe avionët Canadair, të përdorur për ndërhyrje nga ajri. Situata vijon të mbetet shqetësuese, ndërsa Shërbimi i Klimës i Bashkimit Evropian ka paralajmëruar për kushte edhe më ekstreme të motit në ditët në vijim.
Vala e të nxehtit që ka përfshirë pjesë të Evropës Qendrore dhe Lindore pritet të vijojë deri më 19 gusht, duke prekur gjithashtu Britaninë e Jugut, Irlandën, Francën Veriore dhe Suedinë Jugore.
