Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
BOTA
Zjarret shkatërruese në Izrael, Von der Leyen: Kemi aktivizuar Mekanizmin Evropian të Mbrojtjes Civile
r.llPërditësimi i fundit 1 Maj 2025, 16:54
von der leyen
BRUKSEL- Presidentja e Komisionit Evropian, Ursula von der Leyen ka njoftuar se është aktivizuar Mekanizmi Evropian i Mbrojtjes Civile në mënyrë që shtetet anëtare të BE-së të ndihmojnë në përpjekjet për të shuar zjarret në Izrael.
Në një postim në "X", ajo shprehet Evropa mbështet luftën kundër zjarreve shkatërruese në Izrael. Më tej njofton se avionë zjarrfikës nga Greqia, Qiproja, Kroacia dhe Italia janë nisur për në Izrael për të ndihmuar në luftimin e flakëve.
"Ne mbështesim luftën kundër zjarreve shkatërruese në Izrael. Ne kemi aktivizuar Mekanizmin tonë Evropian të Mbrojtjes Civile. Avionë zjarrfikës nga Greqia, Qiproja, Kroacia dhe Italia janë në rrugë për të ndihmuar në luftimin e flakëve. Ky është solidariteti i BE-së në veprim.", thuhet në postimin e plotë.
Brigada Izraelite e Zjarrfikësve njoftoi se zjarri që shpërtheu në një zonë pyjore midis Kudsit dhe Tel Avivit është një nga më të mëdhatë dhe më shkatërrueset në historinë e vendit Sipas televizionit shtetëror izraelit KAN, Drejtori Rajonal i Kudsit i Departamentit të Zjarrfikësve të Izraelit, Shmulik Friedman, ka njoftuar se po luftojnë një nga zjarret më të mëdha në historinë e vendit. Friedman ka theksuar se zjarrfikësit janë “larg” nga vënia nën kontroll e zjarreve, duke shtuar se ende nuk kanë arritur të përcaktojnë se çfarë e ka shkaktuar zjarrin.
Pesë vendbanime në Izrael janë evakuuar deri më tani për shkak të zjarreve që filluan sot në pyllin Eshtaol midis Kudsit dhe Tel Avivit. Izraeli kërkoi ndihmë ndërkombëtare nga gjashtë vende, përfshirë Greqinë, Kroacinë, Italinë dhe Administratën Greke të Qipros Jugore, për t’iu përgjigjur zjarrit. Brigada e zjarrfikësve po punon për të vënë nën kontroll zjarrin, i cili u përhap për shkak të erërave të forta, me 12 aeroplanë zjarrfikës dhe 50 ekipe shpëtimi dhe zjarrfikëse.
