Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
SOCIALE
"Ajo është e mahnitshme, e dua dhe i jam mirënjohës"/ Ben Affleck bën deklarata për ish-bashkëshorten Jennifer Lopez disa muaj pas divorcit mes tyre
m.lPërditësimi i fundit 18 Prill 2025, 15:31
SHBA- Ben Affleck kishte fjalë të ngrohta për Jennifer Lopez gjatë fjalimit të tij në premierën e filmit "The Accountant 2" në Los Angeles. Aktori dhe regjisori bëri një nga referencat e tij të rralla publike për ish-bashkëshorten e tij, duke theksuar se ata mbajnë një marrëdhënie të mirë, pavarësisht ndarjes së tyre së fundmi.
Affleck tha se në ngjarje morën pjesë tre fëmijët e tij me Jennifer Garner, Violet 19-vjeçare, Seraphina 16-vjeçare dhe Samuel 13-vjeçare, ndërsa fëmijët binjakë të Jennifer Lopez, Emme dhe Max, 17 vjeç, nga martesa e saj me Marc Anthony, ishin gjithashtu të pranishëm.
"Fëmijët janë këtu dhe fëmijët e Jen janë këtu. Unë jam shumë i emocionuar. Më pëlqen kur të gjithë fëmijët mblidhen," tha Affleck për Entertainment Tonight.
Duke iu referuar thashethemeve dhe komenteve që qarkullojnë në internet, ai shtoi: Unë nuk lexoj veçanërisht atë që shkruhet në internet, por shumë herë më duket sikur disa njerëz duan të gjejnë diçka negative për të thënë. Për të qenë i qartë: Jennifer Lopez është e mahnitshme. Ajo është e mrekullueshme me fëmijët e mi, mban një marrëdhënie të qëndrueshme me ta. Unë i dua fëmijët e saj. Është e mrekullueshme. Ajo është një person i madh, me integritet të madh, e dua dhe i jam mirënjohës.
Jennifer Lopez dhe Ben Affleck kishin bërë shumë tituj në fillim të viteve 2000 me lidhjen e tyre. Pas ndërprerjes së fejesës, të dy u rilidhën në vitin 2022 dhe u martuan. Megjithatë, dy vjet më vonë, marrëdhënia e tyre mori një fund definitiv, me Lopez që paraqiti kërkesën për divorc duke përmendur dallimet e papajtueshme, duke i dhënë fund një udhëtimi që përfshinte dy fejesë dhe një martesë, por nuk i qëndroi provës së kohës.
Në një intervistë për revistën GQ pak javë më parë, Ben Affleck, pa zbuluar detaje për arsyet e ndarjes, sqaroi se ndarja e marrëdhënies së tyre nuk ishte tronditëse: Nuk kishte asnjë skandal, telenovelë apo ndonjë intrigë të madhe. E vërteta është shumë më e thjeshtë se sa mund të mendohet. Ata janë vetëm dy njerëz që përpiqen të gjejnë rrugën e tyre.
