Forcat e armatosura të SHBA-së dhe Izraelit po planifikojnë të rifillojnë sulmet ndaj Iranit pas zgjedhjeve të mesit të man...
SOCIALE
"E kam admiruar ekspresivitetin e atij heroi"/ Regjisori Michael Mann i bën homazhe akorit Val Kilmer: Ishte diagnostikuar me kancer në fyt
m.lPërditësimi i fundit 2 Prill 2025, 11:33
SHBA- Michael Mann i tha lamtumirën Val Kilmer, i cili vdiq në moshën 65-vjeçare në Los Angeles. Lajmi për vdekjen e aktorit është bërë i ditur të mërkurën më 2 prill dhe sipas vajzës së tij, Mercedes Kilmer, i ndjeri ka ndërruar jetë nga pneumonia.
Regjisori bashkëpunoi me Val Kilmer në filmin "Heat" dhe përmes deklaratave të tij, ai i bëri homazhe aktorit, duke thënë: Ndërsa punoja me Valin në "Heat", gjithmonë kam admiruar gjerësinë, diversitetin e shkëlqyer brenda rrymës së fuqishme të obsesionit dhe ekspresivitetit që karakterizonte heroin e Valit. Pas kaq shumë vitesh që po luftonte përsëri me sëmundjen i ndjeri është diagnostikuar me kancer në fyt.
Val Kilmer luajti së bashku me Robert De Niro, Al Pacino, Jon Voight, Tom Sizemore dhe Ashley Judd në filmin "Heat" të vitit 1995. Filmi ndiqte një grup hajdutësh profesionistë të cilët ndeshen ballë për ballë me policinë e Los Anxhelosit kur, pa e ditur, ata lënë pas një të dhënë vendimtare.
Aktori është nderuar edhe nga kolegu i tij, Josh Brolin , i cili ka postuar një foto të tyre në Instagram duke shkruar : Mirupafshim shok, do më mungosh. Ju ishit një inteligjent, kërkues, i guximshëm, hiper-kreativ. Nuk kanë mbetur shumë të tillë. Shpresoj t'ju shoh përsëri në parajsë kur të vijë koha ime. Deri atëherë, kujtime të mrekullueshme, kujtime të bukura .
