Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
Festivali i Muzikës Glastonbury në Angli/ Shpallet lista e artistëve që do të marrin pjesë nga e mbarë bota
m.lPërditësimi i fundit 6 Mars 2025, 14:33
ANGLI- Janë shpallur artistët që do të ngjiten në skenë në Festivalin e Muzikës Glastonbury. Siç është paralajmëruar, ylli amerikan i popit Olivia Rodrigo, grupi britanik " The 1975 " dhe këngëtari kanadez Neil Young do të jenë kryesuesit e eventit të këtij viti.
Matty Healy dhe grupi i tij do të performojnë në skenën ikonike Pyramid Stage të premten, më 27 qershor, i ndjekur nga Neil Young me Chrome Hearts të nesërmen dhe perdja do të bjerë me Rodrigo të dielën, më 29 qershor. Në të njëjtën ditë, Rod Stewart, siç u njoftua tashmë nëntorin e kaluar, do të shfaqet në seksionin e legjendave të nderit të Festivalit.
Njoftimi vjen dy muaj pasi Neil Young njoftoi se po anulonte pjesëmarrjen e tij për shkak të përfshirjes së BBC-së në ngjarje. Megjithatë, ai e ktheu vendimin e tij të nesërmen, duke konfirmuar praninë e tij në Glastonbury të këtij viti. Pjesëmarrësit në eventin e këtij viti përfshijnë disa nga emrat më të mëdhenj të muzikës, si Charli XCX, Loyle Carner, The Prodigy, Father John Misty, St. Vincent, Shaboozey, Kneecap, Wet Leg, Denzel Curry, Faye Webster, Brandi Carlile, Caribou, Gary Numan, Lucy Dacus, Nile Rodgers, Girl in Red dhe Turnstile, ndër të tjera. Festivali legjendar do të zhvillohet në Worthy Farm në Somerset nga 25 deri më 29 qershor.
