Një shpërthim me lëndë të dyshuar plasëse është regjistruar në orët e para të mëngjesit të so...
SOCIALE
Grupi i rock-ut "Queen" shet katalogun muzikor, zbulohet shifra miliarda dollarëshe
S.BPërditësimi i fundit 20 Qershor 2024, 15:36
Queen
BRITANI- Katalogu muzikor i grupit të rockut “Queen” së bashku me të drejtat e tjera të autorit është në proces blerjeje nga Sony Music për rreth 1.27 miliardë dollarë. Sipas mediave të huaja, të ardhurat e vetme që nuk mbulohen nga marrëveshja janë për shfaqjet live, të cilat do të mbahen nga anëtarët themelues Brian May dhe Roger Taylor, të cilët ende bëjnë turne me këngëtarin Adam Lambert.
Marrëveshja, me vlerë rreth 1.27 miliardë dollarë, përfshin të drejtat për katalogun muzikor të Queen për Shtetet e Bashkuara dhe Kanadanë, si dhe një marrëveshje shpërndarjeje jashtë SHBA-së dhe Kanadasë.
Sony po blen të drejtat që ishin në pronësi të Disney, ndërsa marrëveshja e shpërndarjes së Queen aktualisht trajtohet nga Universal dhe do të skadojë pas disa vitesh, kështu që Sony do ta marrë përsipër.
Marrëveshja nuk përfshin të ardhurat nga performancat live, pasi anëtarët themelues Brian May dhe Roger Taylor e ruajnë atë pjesë. Katalogu i Queen është një nga më të çmuarit e epokës rock - me hitet klasike, 'Bohemian Rhapsody', 'Another One Bites the Dust', 'Radio Ga Ga', '39', 'Somebody to Love', 'You' etj.
Këngët e tyre janë të njohura në të gjithë botën dhe jashtëzakonisht fitimprurëse. Queen fillimisht u formua në Londër në vitin 1970 nga May dhe Taylor, të cilët më parë kishin luajtur së bashku në grupin Smile.
Një vit më vonë Freddie Mercury u bashkua me vokal dhe piano dhe vitin e ardhshëm John Deacon në bas.
