Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
SOCIALE
"Ka jetë pas divorcit"/ Aktorja Demi Moore mbetet një 'familje' me Bruce Willis edhe pse janë ndarë disa vite më parë: Fëmijë tanë janë prioriteti ynë
m.lPërditësimi i fundit 23 Prill 2025, 17:09
SHBA- Edhe pse Demi Moore dhe Bruce Willis u ndanë disa vite më parë, ata ende mbajnë një prani të qëndrueshme në jetën e njëri-tjetrit. Ylli i Hollivudit, në një intervistë të fundit, ka folur ngrohtësisht për ish-bashkëshortin e saj, duke thënë se ata ia dolën të mbeten një familje pavarësisht vendimit për divorc.
Edhe në luftën e tij me afazinë dhe demencën frontotemporale, me të cilën u diagnostikua në vitin 2021, Moore sigurohet që të jetë pranë tij. Dy aktorët ishin të martuar nga viti 1989 deri në vitin 2000 dhe së bashku kishin tre vajza, Rumer, Scout dhe Tallulah.
Në intervistën e saj për People, aktorja 62-vjeçare tha: Ajo për të cilën jam më shumë mirënjohëse është se pavarësisht marrëdhënieve të jashtme, ne arritëm të mbetemi një familje në mënyra të ndryshme. Themeli, që fëmijët tanë të jenë prioriteti ynë, nuk është lëkundur kurrë.
Ylli gjithashtu rrëfeu se sot ajo i konsideron bekimet më të mëdha të jetës së saj familja e saj, duke përfshirë qenin e saj, fëmijët e saj dhe të gjithë njerëzit e pabesueshëm, të dashur që ka rreth saj: "Ndihem vërtet shumë me fat".
Lidhur me miqësinë mes të dyve, Moore shpjegoi: Shpresoj se është inkurajuese për të tjerët të shohin se ka një mënyrë tjetër për t'i bërë gjërat. Ka jetë pas divorcit.
Në të njëjtën kohë, aktorja foli për People për vetëpranimin dhe pjekurinë: Për momentin ndihem patjetër më rehat në trupin tim se kurrë. O Zot, dukem e vjetë. Kjo nuk përcakton vlerën time apo kush jam.
