Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SOCIALE
Kaloi panik dhe 'ngriti pjesëmarrësit në këmbë' për ta kërkuar/ Kim Kardashian tregon se si i humbi një diamant luksoz në dasmën Ambani
m.lPërditësimi i fundit 14 Mars 2025, 17:03
SHBA- Kim Kardashian u përball me një moment paniku në dasmën e Anand Ambani, djalit të njeriut më të pasur të Indisë Mukesh Ambani. Miliarderi u martua në korrik me të fejuarën e tij, Radhika Merchant dhe në mesin e të ftuarve magjepsës ishte edhe Kim Kardashian, së bashku me motrën e saj, Khloe. Edhe pse asnjë grua nuk kishte një marrëdhënie personale me çiftin, ata udhëtuan deri në Indi për të marrë pjesë në dasmën e cila kushtoi mbi 600 milionë dollarë.
Edhe pse të dyja femrat kanë kaluar një kohë të mrekullueshme në dasmë, siç kanë deklaruar edhe vetë, jo gjithçka ka shkuar ashtu siç kanë planifikuar. Më konkretisht, Kim Kardashian ka humbur një diamant të çmuar gjatë dasmës. Ngjarja u transmetua në puntatën e së enjtes në reality show “The Kardashians”, duke lënë shumë të komentojnë momentin si një shembull tjetër ekzagjerimi dhe largimi nga realiteti.
Gjatë pritjes, personazhi i njohur televiziv po fliste me anëtarët e familjes së dhëndrit, kur një diamant i ra nga gjerdani mbresëlënës që ajo mbante. Khloe Kardashian ishte e para që e vuri re humbjen, duke i thënë: Kim, mungon një diamant.
Ata menjëherë thirrën dizajneren e bizhuterive Lorraine Schwartz, e cila është një mike e tyre personale dhe kishte qenë e gatshme t'u jepte hua, për të raportuar problemin. Duke folur në kamerën e reality show-t, Kim Kardashian e përshkroi gjerdanin si një bizhuteri luksoze dhe të përpunuar me diamante të mëdhenj në formë dardhe dhe rreshta perlash. Chloe shtoi se diamanti me siguri ka rënë teksa po bisedonin me motrën e dhëndrit. Shfaqja tregoi skenën në lëvizje të ngadaltë, duke regjistruar rënien e gurit të çmuar.
Edhe pse kërkuan kudo, nuk e gjetën dot, me Kim Kardashian që pyeste nëse diamanti i kishte rënë në fund apo në dekolte .
“Nuk gjendet askund”, tha ajo e zhgënjyer, pasi bizhuteritë nuk gjendeshin askund. Më pas, të ftuarit e dasmës dhe vetë stilistja e bizhuterive iu bashkuan kërkimit, ndërsa dy motrat u dërguan në një dhomë të veçantë në mënyrë që siguria të mund të kërkonte më me kujdes.
Me gjithë ankthin e tyre, megjithatë, ata nuk e humbën rastin për të shijuar momentin. Duke kaluar pranë një aranzhimi mbresëlënës me lule, ata u ndalën për të bërë foto: 'Mos na keqkuptoni, ne jemi të shqetësuar për diamantin, por shikoni këto lule,' tha Kim Kardashian para kamerës, përpara se të pozonte para dekorimit.
Më vonë, teksa po shijonte shampanjën në një hapësirë private dhe donte të bënte shaka me motrën e saj, Chloe, ajo i tha se e kishte gjetur diamantin në fund .
"Kim, ishte shumë keq," i tha Chloe me zemërim. Diamanti nuk u gjet kurrë, ndërsa motrat i konfirmuan audiencës së tyre televizive se ai kishte humbur përgjithmonë.
Skena përfundoi me një mesazh në ekran: Në kujtim të Diamantit të Dasmës Ambani.
