"Më çuan në aventurën e jetës"/ Tom Cruise 'kthehet' pas në kohë për 30-vjeçarin e realizimit të serisë së filmave 'Mission Impossible'

SHBA- 30-vjeçari i serisë së filmave "Mission Impossible", i cili kulmon këtë vit me filmin "The Final Reckoning", ishte një aventurë e përjetshme për Tom Cruise. Përmes një postimi në rrjetet sociale, aktori 62-vjeçar bëri një vështrim prapa në të kaluarën dhe “udhëtimin” e tij si producent, përveçse yll, i serialit të suksesshëm filmik, ndërsa falënderoi regjisorët, aktorët, teknikët dhe sigurisht publikun që kontribuan në praninë e suksesshme të projektit në industrinë e filmit.  

Siç shkroi ai në postimin e tij: Më shumë se 30 vjet më parë, fillova udhëtimin e prodhimit të filmit tim të parë, "Mission: Impossible". Që atëherë, këto tetë filma më kanë udhëhequr në aventurën e jetës. Faleminderit regjisorëve, aktorëve, artistëve dhe teknikëve të jashtëzakonshëm nga e gjithë bota që ndihmuan në dhënien e jetës këtyre historive. Ishte një privilegj të punoja me ju. Më e rëndësishmja, dua të falënderoj publikun, të cilit kemi kënaqësinë e madhe të krijojmë këto filma dhe të cilit i drejtohemi të gjithë. Jemi të emocionuar të ndajmë "Llogarinë Finale" me ju.