Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SOCIALE
"Ndoshta jam shumë 'me të meta' që Zoti të më përdorë..."/ Justin Bieber ngre sërish shqetësime pas një postimi për besimin në Zot dhe pasiguritë e tij
m.lPërditësimi i fundit 24 Prill 2025, 17:02
SHBA- Me një mesazh personal, Justin Bieber ndau në rrjetet sociale mendimet e tij për besimin e tij në Zot dhe pasigurinë që ndjen për veten e tij. Këngëtari tregoi se lufton çdo ditë me dyshimet për vlerën dhe rolin e tij në jetë.
Në një Story të postuar në Instagram, ylli 30-vjeçar shkroi: Çdo ditë zgjohem duke menduar se ndoshta jam shumë 'me të meta' që Zoti të më përdorë në këtë histori të bukur të jetës. E megjithatë, Zoti më përdor mua, me të gjitha të metat e mia, çdo ditë. Në të njëjtën mënyrë që ai ju përdor ju! Jetët tona kanë rëndësi. Zoti ka një plan për ne. Asgjë nuk na pengon të përjetojmë planet e mira të Zotit për jetën tonë, unë zgjedh që dashuria dhe hiri i Zotit të më formojnë ditën dhe të më japin një perspektivë, në vend që ta bëj një ditë për të provuar veten.
Postimi i tij vjen menjëherë pas pretendimeve të shokut të tij se Justin Bieber është “i bllokuar” në një kult. Sipas një raporti të TMZ, Ryan Goode, bashkëthemelues dhe drejtor artistik i markës së këngëtarit, "Drew House", nuk e ka kontaktuar atë për më shumë se një vit, pasi raportohet se është i shqetësuar për marrëdhënien e tij me pastorin Judah Smith.
Njerëzit pranë tyre thonë se largimi i tyre filloi kur Ryan Goode u largua nga Churchome, një kishë e krishterë me bazë në Seattle, e cila është bërë veçanërisht e popullarizuar në mesin e qarqeve të famshëm dhe që drejtohet nga Judah Smith. Miku i Justin Bieber-it, i cili ka qenë edhe menaxher i rrugëve të tij në të kaluarën, beson se kjo kishë funksionon me karakteristikat e një kulti dhe se marrëdhënia e ngushtë e këngëtarit me pastorin ishte një faktor përcaktues në largimin e tyre.
