Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
SOCIALE
"Nesër mund të kem një atak në zemër"/ Colin Farrell merr vendimin që të dërgojë në institucion kujdestarie djalin e tij që vuan nga sindroma e rrallë Angelman
m.lPërditësimi i fundit 15 Prill 2025, 07:49
SHBA- Colin Farrell ka folur për vendimin që ai dhe ish-partnerja e tij, Kim Bordenave, morën për të vendosur djalin e tyre 21-vjeçar, James, në kujdestari, edhe pse ata janë ende në gjendje të kujdesen vetë për të. James vuan nga sindroma e rrallë Angelman, një çrregullim gjenetik që shkakton prapambetje të rëndë zhvillimore dhe mendore.
Colin Farrell ka shprehur shpesh dashurinë dhe krenarinë e tij të thellë për djalin e tij, megjithatë, siç pranoi ai në një intervistë të re me revistën Candis, vendimi për të ecur përpara me gjetjen e një shtëpie të përhershme për James është një çështje largpamësie dhe përgjegjësie.
“Disa prindër thonë; 'Do të kujdesem për fëmijën tim deri në fund'. Unë e respektoj plotësisht këtë. Por frika ime është se nëse nesër do të kem një atak në zemër dhe Zoti na ruajt, nëna e tij të ketë një aksident, atëherë çfarë ndodh? James do të mbetet vetëm, ai do të bëhet një protezh i shtetit. Ku do të shkojë? Askush nuk do të thotë se ku do të jetë," tha ai.
Colin Farrell theksoi më pas se qëllimi i tij është të sigurojë një mjedis të sigurt dhe të qëndrueshëm për djalin e tij, për sa kohë ai dhe ish-partneri i tij janë ende të pranishëm dhe aktivë në jetën e tij.
"Ne duam të gjejmë një vend që na pëlqen, ku ai mund të jetojë tani, ndërsa ne jemi ende gjallë dhe mirë. Të mund ta vizitojë, ta çojë në shëtitje. Ne duam që ai të ketë një jetë të plotë dhe të lumtur, me ndjenjën e komunitetit dhe kontaktit me botën e jashtme. Duke shkuar në pazar, në kinema, në plazh. Të ndihet sikur i përket diku," shtoi ai.
Megjithatë, ky proces nuk është i lehtë, as për një aktor të famshëm hollivudian: Ishte shumë e vështirë të gjeje një strukturë të përshtatshme. Nëse unë me të gjitha mundësitë përballem me vështirësi të tilla, po për të gjitha familjet e tjera që nuk i kanë as gjërat elementare?
Ai vahzdoi duke shpjeguar kështu nevojën që ndjente për të krijuar “Colin Farrell Foundation”, një fondacion që do të mbështesë të rriturit me aftësi të kufizuara mendore dhe familjet e tyre, veçanërisht pas moshës 21 vjeç, kur përfundon mbështetja zyrtare e qeverisë në SHBA. Colin Farrell zbuloi gjithashtu se James, pavarësisht vështirësive në të folur, ka perceptim të thellë emocional. Ai e kupton kur dikush me të vërtetë dëshiron të jetë rreth tij dhe kur nuk e bën.
"Nëse një mësues ose terapist nuk është 100% atje, James e kupton këtë dhe thjesht 'mbyll'," vuri në dukje ai.
21-vjeçari prej 18 vitesh jeton me të njëjtin kujdestar, gjë që i jep stabilitet dhe familjaritet përditshmërisë së tij. Me babanë e tij, ata shijojnë momente të thjeshta, por domethënëse, si lojëra, not, filma dhe ngrënie jashtë. Së fundi, Colin Farrell përmendi se atësia e James ishte gjithashtu një katalizator për vendimin e tij për të lënë pijen në mesin e viteve '00.
