"Nuk më besohet që është i imi"/ Britney Spears impresionohet me aftësitë muzikore të djalit të saj: Ai është gjeni, jam e mahnitur prej tij

SHBA- Britney Spears duket se kohët e fundit ka përmirësuar marrëdhëniet e saj me djalin e saj, Jaden , madje ishte e lumtur që së fundmi zbuloi se 18-vjeçari po ndjek hapat muzikorë të nënës së tij.

Të hënën, më 10 mars, 43-vjeçarja ka shpërndarë dy video në llogarinë personale në Instagram, në të cilat ka fiksuar momentet me djalin e saj në shtëpi. Në njërën prej tyre dëgjohet Spears duke e lavdëruar teksa i bie pianos përballë saj, duke e kthyer kamerën drejt Jadenit. Ndërsa i riu lëviz nëpër hapësirë, nëna e tij shpreh admirimin në fytyrën e tij.

"Ishte e pabesueshme! Djali im sapo luajti, o Zot, e ndjeva në kocka, në zemër, në mushkëri, në fyt dhe u tremba," dëgjohet Spears duke thënë. 

Në mbishkrimin e postimit këngëtarja ka shkruar: “Ai është gjeni dhe jam e mahnitur prej tij!!! Nuk me besohet qe eshte i imi!!! Sinqerisht u tremba, kjo nuk është normale!!!"

Në një video të dytë, Jaden luan në piano ndërsa nëna e tij dëgjon me vëmendje. Ajo dëgjohet të thotë ndër të tjera: “Kjo është çmenduri”, ndërsa në mbishkrimin e postimit të saj ajo me krenari ka shkruar: “WOW WOW WOW!!!”.

britney spears