Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
Rezultat i një studimi për Universitetin e Kalifornisë/ Artisti britanik, Stuart Semple vizualizon ngjyrën e re 'Olo' të zbukuar nga shkencëtarët
m.lPërditësimi i fundit 24 Prill 2025, 19:41
SHBA- Një artist britanik pretendon se ka arritur të vizualizojë ngjyrën e re të zbuluar nga shkencëtarët në SHBA, përmes një eksperimenti lazer që stimuloi qelizat individuale të retinës së pesë kafshëve, duke e shtyrë perceptimin e ngjyrave të njeriut përtej kufijve të tij natyrorë.
Stuart Semple krijoi versionin e tij të kësaj nuance të veçantë, frymëzuar nga një studim i Universitetit të Kalifornisë në Berkeley, dhe po e shet atë në faqen e tij të internetit për 10,000 £ për një enë 150 ml, ose me një çmim preferencial prej 29,99 £ për ata që e deklarojnë veten artistë. Semple, i njohur për krijimet e mëparshme si ngjyra "më e zezë" dhe "më rozë" në botë, kompozoi versionin e tij të nuancës në një mënyrë më të thjeshtë dhe të teknologjisë së ulët.
Artisti ka përzier pigmente, duke shtuar përforcues optikë fluoreshentë që thithin rrezatimin ultravjollcë dhe e riemetojnë atë si dritë blu të dukshme, duke i bërë materialet të duken më të bardha ose më të ndritshme. Më pas ai përdori një spektrometër, i cili e ndan dritën në ngjyrat e saj individuale, për të analizuar intensitetin e tyre dhe për të përafruar ngjyrën sa më mirë që të jetë e mundur.
"Unë besoj se ngjyra duhet të jetë e aksesueshme për të gjithë. Unë kam luftuar për vite me radhë për të çliruar këto ngjyra që janë në pronësi të kompanive, nga shkencëtarë ose janë licencuar ekskluzivisht për një individ," i tha artisti Guardian.
Artisti britanik beson se shkencëtarët arritën të shkaktojnë një reagim emocional tek njerëzit, duke krijuar një lidhje nënndërgjegjeshëm me ngjyrën e re.
"Unë u përpoqa t'i jap formë kësaj ndjenje. Për ta kthyer atë në një ngjyrë të prekshme, reale," tha Stuart Semple.
Austin Roorda, një shkencëtar i vizionit nga ekipi i Berkeley, tha se do të blinte një shishe bojë, por jo për 10,000 £ që kërkon Semple. Ai madje shtoi se mund t'i kërkojë kushërirës së tij, e cila është artiste, të krijojë një vepër me këtë ngjyrë: Nuk është e mundur të riprodhosh një ngjyrë që përputhet me të vërtetë me olo.
