Kongresmeni amerikan, Ritchie Torres ka reaguar lidhur me revoltat studentore dhe dhunën që policia ka ushtruar ndaj të rinjve, duke k&eu...
SOCIALE
S'kishte si të ishte ndryshe! Pasi theu rekorde shikueshmërie në Angli dhe nxiti shumë diskutime, 'Adoleshenca' do të ketë një sezon të dytë
m.lPërditësimi i fundit 28 Mars 2025, 19:23
ANGLI- Aktori, Stephen Graham, ka lënë të hapur mundësinë për një sezon të dytë të serialit 'Adolescence', pas suksesit të jashtëzakonshëm të tij në Netflix. Shfaqja, e cila debutoi më 13 mars, ka thyer rekorde me 66.3 milionë shikues, duke u bërë seriali më i ndjekur në Mbretërinë e Bashkuar në këtë platformë.
Seriali ndjek historinë e Jamie Miller (Owen Cooper), një djalë i ri i akuzuar për vrasjen e shoqes së klasës së tij. Me katër episode të fuqishme, ai ka marrë vlerësime të larta dhe ka shkaktuar diskutime të shumta mes shikuesve.
Duke folur për 'Variety', Graham, i cili luan rolin e babait të Jamie-t, tha: “Mundësia për një vazhdim ekziston, por le të shohim shifrat”.
Ndërsa bashkëshortja e tij, Hannah Walters, e cila luan zonjën Bailey, e përshkroi reagimin e publikut si dërrmues.
Megjithatë, regjisori Philip Barantini ka sugjeruar se seria duhet të mbetet e vetme, duke theksuar: Mendoj se është një histori e rrumbullakosur që ka ndezur një debat të madh dhe duhet të mbetet e tillë.
Pavarësisht këtyre deklaratave të ndryshme, suksesi i madh i “Adolescence” mund ta bëjë të vështirë mbylljen e kësaj historie me vetëm një sezon.
