Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
"Shumë prindër nuk e kanë këtë mundësi"/ Aktorja 42-vjeçare Elisabeth Moss bëhet nënë për herë të parë: Ndjehem shumë me fat
m.lPërditësimi i fundit 28 Mars 2025, 14:31
SHBA- Elisabeth Moss ka konfirmuar se ka sjellë në jetë fëmijën e saj të parë, duke shprehur mirënjohjen e saj që mundi ta merrte me vete në xhirimet e "The Handmaid's Tale". Aktorja 42-vjeçare foli për mëmësinë gjatë PaleyFest LA 2025 të mërkurën, duke theksuar se sa e rëndësishme është për të që të jetë në gjendje të kalojë kohë me fëmijën e saj, edhe në jetën e saj profesionale.
“Ndjehem shumë me fat që mund ta bëj këtë. E përsosur. Shumë prindër nuk e kanë këtë mundësi. Ata prej nesh që kemi privilegjin t'i çojmë fëmijët në punë ose t'i shohim gjatë saj, sa herë mendojmë se sa me fat jemi”, tha ajo sipas PEOPLE.
Moss nuk zbuloi emrin, moshën apo gjininë e fëmijës së saj, duke i mbajtur larg syrit të publikut detajet e jetës së saj personale. Shtatzënia e saj u konfirmua në janar 2024 , kur ajo u shfaq në Jimmy Kimmel Live!. Prezantuesi Jimmy Kimmel e kishte pyetur nëse ishte shtatzënë apo thjesht një aktore jashtëzakonisht e përkushtuar, për të cilën ajo u përgjigj duke qeshur: Pak nga të dyja.
Asokohe ajo kishte shprehur gëzimin e saj për mëmësinë, duke thënë se shtatzënia e saj po ecën shumë mirë: Ndihem vërtet me fat.
Në jetën e saj personale, Moss u martua me aktorin dhe ish-anëtarin e kastit të Saturday Night Live, Fred Armisen në vitin 2009. Megjithatë, martesa e tyre zgjati më pak se një vit. Në një intervistë të vitit 2014 me New York Magazine, aktorja e quajti përvojën traumatike dhe tha se ishte e lumtur që nuk kishte fëmijë me ish-burrin e saj.
“Më vjen mirë që kam hequr qafe këtë kapitull të jetës sime”, kishte thënë ajo në mënyrë karakteristike.
