Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
U detyrua të hiqte dorë nga aktrimi/ Aktori hollivudian Bruce Willis feston ditëlindjen e 70-të: Një video e kujtime të panumërta
m.lPërditësimi i fundit 19 Mars 2025, 17:00
SHBA- Bruce Willis feston sot 70-vjetorin e lindjes. Aktori, i cili ka një karrierë të gjatë në aktrim dhe është një nga personazhet më të njohur në Hollywood, ka ndarë me miqtë e tij online edhe një video me rastin e ditës së sotme.
Në klipin e shkurtër që ka postuar në llogarinë personale në Instagram, aktori, i cili vitet e fundit po lufton me afazinë dhe demencën frontotemporale, ka kombinuar disa video nga ditëlindjet e tij të viteve të fundit. Në të, ai duket se po i fryn qirinjtë, ndërsa në krah, si gjithmonë, është e dashura e tij, Emma Heming. Në të njëjtën video shihen edhe vajzat e tij, por edhe nipërit e tij duke e duartrokitur së bashku.
Në një moment, Bruce Willis nuk e humb sensin e humorit dhe menjëherë pasi ka fikur qirinjtë, tregon lëvizjet e tij të kërcimit. Në mbishkrimin që shoqëron postimin e tij, ai shkruan: Bruce Willis ka fryrë qirinjtë e ditëlindjes gjatë gjithë këtyre viteve. Një video, kujtime të panumërta. Kjo do t'ju godasë drejtpërdrejt në ndjenja. Gëzuar ditëlindjen e 70-të të mrekullueshme.
Familja e aktorit njoftoi në mars të 2022 se ai vuan nga afazia, duke theksuar se kjo do ta detyronte të tërhiqej nga karriera e tij e aktrimit që e donte aq shumë. Afazia mund të ndikojë në aftësinë e një personi për të folur, shkruar dhe kuptuar gjuhën, zakonisht si rezultat i një goditjeje ose dëmtimi në kokë.
