Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
"Unë e kam këtë çrregullim..."/ David Beckham tregon zakonin që bezdis të gjithë familjarët e tij: Ndonjëherë mërzit gruan ose fëmijët e mi
m.lPërditësimi i fundit 9 Prill 2025, 17:30
SHBA- Ylli i njohur, David Beckham së fundmi zbuloi se ka një zakon që i bezdis anëtarët e familjes së tij. 49-vjeçari zbuloi se ka çrregullim obsesiv-kompulsiv, në një panel diskutimi të mbajtur me rastin e promovimit të markës së tij të re të suplementeve në hotelin Faena Miami Beach.
Ky zakon ka pasur një pasqyrë edhe në dokumentarin e tij “Beckham”, ku ka folur për obsesionin me rendin, përfshirë veprime të vogla si organizimi i kanaçeve në frigorifer.
“Jam shumë i organizuar deri në atë pikë sa është goxha e lodhshme çdo ditë, sepse jam shumë i organizuar. Kjo ndonjëherë mërzit gruan time, ndonjëherë mërzit fëmijët e mi”, tha ai.
Ai pohon se shpeshherë i thotë familjes se pa të asgjë nuk do të ishte e rregullt dhe e organizuar dhe se pa të do të harronin gjërat. Më pas ai e bëri publikun të qeshë kur tregoi një shembull të çrregullimit të tij në skenë. Në një moment, ai riorganizoi disa nga shishet e suplementeve që ishin grumbulluar si një piramidë.
“Kjo ishte pak e vështirë”, tha ai ndërsa rregullonte shishet, duke tërhequr të qeshura nga publiku.
“Unë kam këtë çrregullim obsesiv-kompulsiv ku duhet të kem gjithçka në vijë të drejtë ose gjithçka duhet të jetë në çifte. Do të vendos kanaçe me lëng në frigorifer dhe nëse është shumë, do ta vendos në një dollap tjetër diku. Çdo gjë duhet të jetë perfektë”, shpjegoi ai.
