Urdhërarresti ndaj Noizyt/ Reperi anulon një tjetër koncert: Sonte nuk mund të jem në Gjilan...

Noizy

KOSOVË- Reperi i njohur Noizy, ka bërë një njoftim pak pasi u nxorr urdhërarresti ndaj tij. Zëdhënësi i Prokurorisë së Pejës Shkodran Nikçi apeloi dhe kërkoi bashkëpunim nga ana e reperit që të paraqitet tek organet kompetente për tu marrë në pyetje.

Mirëpo reperi nuk u paraqit në komisariat, dhe me një story në Instagram njoftoi se nuk do të jetë prezent në koncertin e planifikuar për sot në Gjilan. Noizy është paralajmëruar se mund të arrestohet nga policia nëse do të paraqitej në diskotekën e njohur të Gjilanit.

“Sonte nuk mund të jem në Gjilan.” shkroi reperi në Instagram.

Noizy

Noizy akuzohet se ka ushtruar dhunë ndaj personazhit të njohur të TikTokut Medi Iseni. Ngjarja ndodhi më 2 gusht të këtij viti në një lokal në Pejë, dhe Iseni akuzoi Noizyn dhe Stresin se ishin ata të cilët e dhunuan dhe e futën në kurth.

Tiktokeri mohon të ketë pasur ndonjë problem personal me Noizyn. Më tej akuzat vijojnë për prerje në besë ndaj Stresit. Sipas të dhunuarit ka qenë Stresi ai i cili e kishte ftuar për ta takuar, por ndërkohë ishte një “kurth”, për ta vendosur në të njëjtin ambient me Noizyn dhe grupin e tij.

noizy medi iseni