Banorët e Lagjes 8 në Durrës kanë denoncuar në Piranjat news, për gjendjen e rrugës pas punimeve të kryera nga Ujë...
INVESTIGIME
Dherat dhe inertet shkatërrojnë Tiranën! Drejtoresha e Policisë Bashkiake: Do merren masa! Kryepolici i kryeqytetit: Kemi proceduar disa
e. dPërditësimi i fundit 10 Maj 2025, 21:43
TIRANË- Prej tre javësh kemi denoncuar masakrën mjedisore që po ndodh në Tiranë nga dherat dhe inertet që pa pasur një vend të caktuar nga Bashkia e Tiranës, i hedhin materialet e dala nga gropat e kullave ku të munden në periferitë e Tiranës, duke shkatërruar tokat bujqësore dhe tjetërsuar shtretërit e lumenjve. Sa më shumë që investigojmë aq më shumë vende të reja depozitimi… ilegale dalin në dritë. Në këto kushte firmat e ndërtimit dhe mosfunksionimi i institucioneve e kanë kthyer kryeqytetin në një landfill ilegal.
Baldushku, të cilin e sollëm në vëmendje dhe një javë më parë, vijon të jetë një pikë e preferuar për ndërtuesit, të cilët hedhin inertet e dhera mbi tokat e gjelbërta dhe duke shkatërruar shtratin e lumit Erzen.
Ky i fundit në të gjitha pikat lu hidhen inerte ka devijuar rrjedhën e tij normale, pa folur më pas për kontaminin e mbetjeve dhe dëmin e pallogaritshëm tek flora dhe fauna.
Situata nuk është më e mirë në Farkë, ku dhjetëra kamionë të ngarkuar me inerte shkarkohen në mes të tokës bujqësore dhe hapësirës së gjelbërt! Ndërkohë nga kjo masakër mjedisore nuk ka shpëtuar as liqeni i Farkës, një pasuri natyrore për zonën dhe kryeqytetin.
Drejtoresha e re e Policisë Bashkiake të kryeqytetit, Elona Lalaj, e emëruar së fundmi, shprehet se do të merren masa, por jemi në një situatë alarmante dhe moskryerja e punës dëmton rëndë mjedisin.
Ndërsa Inspektoriati Kombëtar i Mbrojtjes së Territorit, në një përgjigje të kthyer për ne, bën me dije se pas vënies në dijeni nga ana jonë, me urdhër të Kryeinspektores Dallëndyshe Bici është ngritur një grup pune në terren! Deri më tani është vënë një gjobë me vlerë 1950000 lekë ndaj një subjekti ndërsa tre të tjerë janë në verifikim.
Por kjo gjobë e vetme në një situatë alarmante ku ccdo ditë dhe natë, dhjetëra kamionë vazhdojnë të lëvizin në Tiranëwshtw fare e pamjaftueshme. Duhet një bashkëpunim seriozi institucioneve dhe ndodhta ngritja e një Taks Force për ti dhënë fund paligjshmërisë.
Ndërkohë drejtori i Policisë së Tiranës, Elton Alushi shprehet se Policia është më dijeni të kësaj paligjshmërie dhe ka proceduar disa subjekte por pa na dhënë detaje nëse këto subjekte përfshijnë pikat e nxehta të denoncuara nga ne.
Mesa duket kemi zgjedhur një periudhë të gabuar për këtë denoncimin që në një vend normal do kishte ngritur në këmbë gjithë strukturat e shtetit, por jemi në Shqipëri dhe administrata ka detyra më të rëndësishme, si kërkimi i votës, sepse sot për sot kjo është ajo që do komandanti dhe jo zbatimin e ligjit dhe kryerjen e detyrës.
