Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
Si gënjeu Rama për pjesëmarrësit në mitingun e Athinës, kamera e fshehtë e përgënjeshtroi
I.APërditësimi i fundit 14 Maj 2024, 11:41
Rama
Mitingu i kryeministrit Edi Rama në Greqi, shënoi dhe hapjen jozyrtare të fushatës së tij elektorale për zgjedhjet parlamentare të vitit të ardhshëm. Edhe pse kishte shumë raporte dhe raportime në mediat se greke ashtu dhe shqiptare, që në të vërtet Rama nuk e mbushi sallën e stadiumit Galatsi me emigrantë shqiptarë në Greqi, por mori me vete administratën shqiptare në Greqi, duke i shitur ata si emigrantë, kryeministri e mohoi këtë.
Ndërkohë që pas mitingut që Rama bëri në Athinë, dha një intervistë për emisionin Opinion të gazetarit Blendi Fevziu. Duke u pyetur për raportimet se kishte mbushur autobusët me njerëz nga Shqipëria për në Greqi, Rama i kundërshtoi me forcë, duke u përpjekur të dalë i larë nga kjo pyetje. Jo vetëm kaq, por Rama sulmoi dhe mediat greke e shqiptare që kanë raportuar angazhimet e administratës publike nën urdhrin jo të drejtëpërdrejtë nga Rama, për të mbushur stadiumin.
“Ne nuk kemi angazhuar asnjë lloj autobusi në kuptimin e angazhimit tonë dhe mbikëqyrjes tonë. Që këtu kanë ardhur njerëz nga shumë vende dhe që gjëja doli jashtë parashikimit… Këto historitë e medias greke janë si historitë e medias shqiptare. Kemi shumë gjëra, jo në të gjitha gjërat, në shumë gjëra ne jemi më pak të lëndueshëm, më pak emocional, më pak nacionalistë, por në fushën e medias është njësoj”, tha Rama.
Por një investigim i emisionit Piranjat ka nxjerr bllof kryeministrin Rama, duke sjell me fakte punonjësit e drejtorat e administratës publike në stadium. Një pjesë e emisionit që u bë publike ditën e djeshme, del me zë dhe me figurë drejtori i teatrit “Bylis” të Fierit, Klajdi Marku, i cili ka shprehur hapur pakënaqësitë e tij për të qenë prezent në mitingun e Ramës në Greqi.
Gjatë bisedës me gazetarin e Piranjave, Marku tregon se e gjithë administrata është urdhëruar që të shkojnë në Athinë, dhe se në Fier nuk ka ngelur asnjë njeri pa shkuar. Ndërkohë që më tej i vetëdijëshëm tregon se prezencën e tyre duhet që ta vërtetonin me një foto në rrjetet sociale, por theksoi se e beri këtë vetëm për të marrë rrogën në fund të muajit.
Gazetari: Paskeni ardhur me rini e paskeni bllokuar të gjithën
Pyetje: Kush është në Fier sot kush e drejton. Armando Subashi?
Pyetje: Keni ardhur me dëshirë apo me…?
Marku: Të dyja bashkë. Si të gjithë edhe estrada. Në Fier nuk ka ngelur njeri fare. (Qesh) E bëre fotografinë, i thua ja isha, e hedh online. Marrim rrogën vëlla ç'të bëjmë...
Vetëm kjo pjesë e investigimit tregon se si Rama gënjeu hapur kur u pyet në lidhje me autobusët e mbushur nga Shqipëria për të çuar njerëz në mitingun e tij. Por një denoncim i Dosja.al,më parë ka treguar se si ambasada shqiptare në Greqi, u bënte presion emigrantëve që të shfaqeshin në tubim, ndryshe do të hiqeshin nga puna.
