Personi në foto, efektivi i ‘Shqiponjave’ Edison Adri, i cili mbeti i plagosur gjatë operacionit policor të zhvilluar në zon&e...
KOSOVA
Kosovë/ Kush po i kryeson zgjedhjet në komunat me shumicë serbe?
PiranjatPërditësimi i fundit 12 Tetor 2025, 22:12
Sipas rezultateve të publikuara në ueb-faqen e Komisionit Qendror të Zgjedhjeve, në shumicën e komunave me shumicë serbe në veri të Kosovës po prijnë kandidatët e Listës Serbe – partia kryesore e serbëve që gëzon mbështetjen e Beogradit.
Në Mitrovicë të Veriut, në bazë të 1.44 për qind të votave të numëruara, po prin Millan Radojeviç me 40.16 për qind të votave. Në vendin e dytë është Erden Atiç nga Lëvizja Vetëvendosje me 33.86 për qind.
Në Kllokot, sipas 19.75 për qind të votave të numëruara, i pari është Bozhidar Dejanoviç i Listës Serbe me 56.17 për qind të votave, pasuar nga Sreçko Spasiç nga Uniteti Kombëtar Serb me 22.64 për qind.
Në Ranillug, në bazë të 8.65 për qind të votave të numëruara, prin Tanja Antiç nga Lista Serbe. I dyti është Ivan Petroviç nga Lëvizja Kombëtare Serbe me 16.51 për qind.
Në Graçanicë, Lista Serbe me kandidatin e saj Novak Zhiviç është e para me 60.53 për qind të votave, bazuar në 13.38 për qind të votave të numëruara. I dyti është Leutrim Ajeti nga Aleanca Shqiptare me 28.23 për qind.
Në bazë të 13.75 për qind të votave të numëruara, në Zveçan i pari është Dragisha Milloviç nga Lista Serbe me 77.67 për qind të votave, pasuar nga Fetah Peci nga Lëvizja Vetëvendosje me 7.51 për qind të votave.
Në Zubin Potok, në bazë të 9.85 për qind të votave të numëruara, Millosh Peroviç është i pari me 83.41 për qind të votave. I dyti në këtë komunë është Stevan Vulloviç nga Lidhja e Kosovës me 4.38 për qind të votave të fituara.
Në Shtërpcë, në bazë të 4.12 për qind të votave të numëruara, Valmir Ahmeti nga Lidhja Demokratike e Kosovës prin me 27.49 për qind. I dyti është Ivica Tanasijeviç i Listës Serbe me 27.49 për qind.
Në Novobërdë, sipas 23.89 për qind të votave të numëruara, Bajrush Ymeri nga Lidhja Demokratike e Kosovës prin me 41.09 për qind, pasuar nga Sasha Millosheviç i Listës Serbe me 30.13 për qind.
Në Leposaviç, në bazë të 11.84 për qind të votave të numëruara, Zoran Todiç nga Lista Serbe prin me 70.62 për qind të votave, pasuar nga Vlladimir Radosavlejviç i Demokracisë Serbe me 9.48 për qind.
Në Partesh sipas 8.51 për qind të votave, Dragan Petkoviç nga Lista Serbe prin me 89.08 për qind të votave, pasuar nga Sllaxhan Mlladenoviç nga Lidhja e Kosovës me 10.92 për qind.
