Në fillim të viteve ’90, Shqipëria kishte një pasuri që nuk ishte krijuar nga ekonomia, por ishte trashëguar nga natyra, me ...
KOSOVA
Shefi i NATO-s: Serbia të përmbushë zotimin për llogaridhënie për sulmin në Banjskë, dialogu Kosovë–Serbi thelbësor
PiranjatPërditësimi i fundit 12 Shkurt 2026, 17:35
Shefi i NATO-s, Mark Rutte, pas takimit të ministrave të Mbrojtjes, në një konferencë për media foli për rëndësinë e takimit dhe për temat aktuale të sigurisë në Ukrainë, Moldavi dhe për të ardhmen e Aleancës.
Ai komentoi edhe për rolin e NATO-s në Ballkan, për misionin e KFOR-it në Kosovë dhe misionin në Bosnjë e Hercegovinë, si dhe për kontributin e Aleancës në ruajtjen e sigurisë dhe paqes në rajon shkruan Telegrafi.
Rutte ka ripërsëritur edhe sot se NATO pret nga Serbia përgjegjësi dhe llogaridhënie nga ata që kryen sulmin në shtator të vitit 2023 në Banjskë.
“Mendoj se dialogu Prishtinë–Beograd është shumë i rëndësishëm. NATO e mbështet plotësisht këtë proces. Dhe, siç e theksova edhe dje, është po ashtu thelbësore që të ketë llogaridhënie për atë që ndodhi në vitin 2023 në Banjskë dhe për ngjarje të tjera. Presidenti i Serbisë ka premtuar se do ta sigurojë këtë llogaridhënie dhe ne presim që ai ta përmbushë këtë zotim së shpejti”, tha ai transmeton Telegrafi.
Ai foli gjithashtu për rëndësinë e stabilitetit në Ballkanin Perëndimor.
Në konferencë, shefi i NATO-s u fokusua kryesisht në luftën në Ukrainë dhe në të ardhmen e buxhetit të Aleancës. Telegrafi po mbulon këtë takim të ministrave të mbrojtjes të NATO-s.
