Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
KOSOVA
“VERA 2024”/ Goditet rrjeti i gjerë i kultivimit të kanabisit në Pejë, këta janë tre të arrestuarit
PiranjatPërditësimi i fundit 30 Tetor 2025, 23:13
Një aksion i gjerë policor është zhvilluar në orët e para të mëngjesit të së enjtes në fshatin Sferkë të Pejës, ku është goditur një rrjet i organizuar që merrej me kultivim të bimëve narkotike dhe tregti droge.
Burime të besueshme, të afërta me hetimin, bëjnë të ditur se operacioni, i koduar “VERA 2024”, është rezultat i hetimeve intensive njëvjeçare të zhvilluara nga Njësia për Hetimin e Trafikimit me Narkotikë në Pejë (DHTN), në bashkëpunim me Prokurorinë Themelore të Pejës – Departamentin për Krime të Rënda dhe me mbështetjen e njësive policore të DHTN Gjakovë, DHTN Prizren, NJSI, NJRSH Gjakovë dhe ekipeve të krimteknikës.
Operacioni është realizuar mbi bazën e urdhëresës së Gjykatës Themelore në Pejë dhe ka përfshirë kontrollimin e njëkohshëm të disa shtëpive dhe pronave të personave të dyshuar. Gjatë bastisjeve janë arrestuar Liridon Hajrizaj, Istref Bajrami dhe Enver Hasani, ndërsa janë konfiskuar prova të shumta materiale, përfshirë: Para të gatshme në shumën prej 1,540 euro, Dy automjete dhe disa telefona celularë, Një armë zjarri dhe municion, si dhe para shtesë në shumën prej 540 euro.
Hetimet po vazhdojnë ndaj një grupi më të gjerë personash të përfshirë në rast, përfshirë, Erion Etemaj, Eldi Mykaj, Engjellush Ibrahimi, Albano Saliu, Mirjon Qokli, Klodian Qokli dhe Shkëlqim Xhija, të cilët dyshohen për kultivim të bimëve narkotike, posedim, shpërndarje dhe shitje të paautorizuar të substancave narkotike, si dhe mbajtje të paautorizuar të armëve.
Me aktvendim të Prokurorit të Shtetit, tre të arrestuarit janë dërguar në mbajtje për 48 orë, ndërsa rasti mbetet nën hetime nga Njësia për Hetimin e Trafikimit me Narkotikë në Pejë.
