Në prag të miqësores Shqipëri – Izrael, e cila do të mbahet sonte në stadiumin “Air Albania” të Tiran&...
KOSOVA
Vuçiç sulmon kryeministrin Kurti para zgjedhjeve të 7 qershorit: Ka dalë për gjueti ndaj serbëve të Kosovës
PiranjatPërditësimi i fundit 22 Maj 2026, 17:36
Presidenti i Serbisë, Aleksander Vuçiç ka deklaruar, se kryeministri i Kosovës Albin Kurti ka ndërmarrë një 'gjueti' ndaj serbëve të Kosovës. Duke folur në një interviste në televizionin publik serb, Vuçiç u shpreh, se ai filloi të arrestonte serbët më të shquar, drejtorë të qendrave shëndetësore, shkollave me urdhër të Nenad Rashiç.
Vuçiç paralajmëroi se do të mbështesë Listën Serbe në zgjedhjet në Kosovë dhe do të luftojë për pozitën e tyre. Sipas tij, shqiptarët do të bëjnë gjithçka për të mbështetur ata që, sipas Vuçiçit duan ta mposhtin Serbinë.
Gjatë intervistës, Vuçiç deklaroi se objektivi i Serbisë mbetet mbijetesa e popullit serb, respektimi i Kartës së OKB-së dhe rezolutave ndërkombëtare. Ai shtoi gjithashtu se Serbia duhet të vazhdojë modernizimin dhe përballjen me problemet e brendshme.
“Ai filloi të arrestonte serbët më të shquar, drejtorë të qendrave shëndetësore, shkollave, serbët më të shquar me urdhër të Nenad Rashiç. Gjithmonë gjen serbë që do të mbështesin ata që duan të përndjekin serbët. Shqiptarët do të bënin gjithçka për tu ofruar mbështetje me forcë atyre që do ta mposhtnin Serbinë”, tha Vuçiç.
