Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
LIFESTYLE
Si një grua në Kaliforni fitoi gjyqin falë ChatGPT
PiranjatPërditësimi i fundit 24 Tetor 2025, 15:37
Një grua nga Kalifornia, Lynn White, arriti të përmbysë një vendim për dëbim dhe të shmangë gjoba që shkonin deri në dhjetëra mijëra dollarë, duke përdorur mjete inteligjence artificiale, si ChatGPT dhe platformën Perplexity, gjatë një beteje ligjore që zgjati disa muaj.
Sipas raportimeve të NBC News, Lynn kishte vështirësi të paguante qiranë dhe u përball me gjykatën për dëbimin e saj. Në vend që të mbështetej vetëm te një organizatë lokale për mbrojtjen e qiramarrësve, ajo përdori ChatGPT-në për të analizuar procedurat ligjore, për të gjetur gabime të mundshme dhe për të përgatitur përgjigje të detajuara për gjykatën.
“Nuk mund ta përshkruaj sa shumë më ndihmoi inteligjenca artificiale në këtë rast. Pa IA-në, nuk do ta kisha fituar kurrë këtë gjyq,” tha Lynn për NBC.
Lynn nuk është e vetmja që ka përdorur IA-në për të përfaqësuar veten në gjykatë me sukses. Një rast tjetër është ai i Staci Dennett, pronare biznesi fitnesi në New Mexico, e cila përdori ChatGPT për të negociuar me sukses një marrëveshje për një borxh të papaguar.
Megjithatë, ekspertët paralajmërojnë se mjete të tilla nuk janë gjithmonë të sigurta. Përdorimi i referencave të sajuara ose informacionit të pasaktë mund të çojë në gjoba dhe humbje besueshmërie, siç ndodhi me sipërmarrësin Jack Owoc, i gjobitur për dokumente ligjore me të dhëna të rreme.
Për këtë arsye, kompanitë si Google këshillojnë përdoruesit që të mos mbështeten plotësisht te inteligjenca artificiale për këshilla ligjore, duke theksuar rëndësinë e mbikëqyrjes profesionale.
