Teksa pritet që të nisë pas pak protesta e qytetarëve para bulevardit Dëshmorët e Kombit, policia ka marrë masa.
Siç ...
LIFESTYLE
Si të kujtoni ëndrrat? Metoda e thjeshtë që sipas ekspertëve funksionon vërtetë
PiranjatPërditësimi i fundit 19 Maj 2026, 23:42
Shumë njerëz zgjohen në mëngjes me ndjesinë se “nuk ëndërrojnë kurrë”, por sipas ekspertëve kjo nuk është e vërtetë. Të gjithë ëndërrojmë gjatë natës problemi është se truri shpesh nuk arrin t’i ruajë ëndrrat në kujtesë sapo zgjohemi.
Sipas specialistëve të gjumit, ëndrrat ndodhin kryesisht gjatë fazës REM, periudha kur truri është shumë aktiv dhe përpunon emocione, kujtime dhe përjetime të ditës. Nëse zgjohemi jashtë kësaj faze, është më e vështirë të kujtojmë çfarë kemi ëndërruar.
Metoda që konsiderohet më efektive për të kujtuar ëndrrat është mbajtja e një “ditari ëndrrash”. Ekspertët sugjerojnë të mbani pranë shtratit një bllok ose telefon dhe të shkruani menjëherë çdo detaj që ju kujtohet sapo zgjoheni edhe nëse bëhet fjalë vetëm për emocione, fragmente apo imazhe të paqarta. Kjo e “stërvit” trurin t’u kushtojë më shumë rëndësi ëndrrave.
Një tjetër këshillë e rëndësishme është të shmangni telefonin sapo hapni sytë në mëngjes. Kontrollimi i menjëhershëm i rrjeteve sociale apo mesazheve e shpërqendron trurin dhe bën që kujtimet e ëndrrës të zhduken shumë shpejt.
Ekspertët rekomandojnë gjithashtu:
gjumë të rregullt dhe cilësor, relaks para se të flini, shmangien e stresit dhe lodhjes së tepërt, përqendrimin te frymëmarrja para gjumit.
Sipas studiuesve, sa më shumë vëmendje t’u kushtojmë ëndrrave, aq më e madhe bëhet aftësia jonë për t’i kujtuar ato me kalimin e kohës.
