Pas refuzimit të përsëritur të studentëve dhe pedagogëve për t’u ulur në dialog me të, kryeministri Edi Ram...
POLITIKE
“11 maji është Koha t’i fusim fshesën Rilindjes”/ Blushi publikon pamje me plehra: Fatura e këtij pisllëku është mbi 32 milionë euro në vit
e. dPërditësimi i fundit 12 Prill 2025, 16:18
TIRANË- Sekretari i Përgjithshëm i Partisë së Lirisë, Tedi Blushi, përmes një video të shpërndarë në rrjetet sociale, tregon se si plehrat në Tiranë "pushtojn" vendin, ndërsa inceneratori nuk ekziston akoma.
Blushi në postimin e tij thotë se të vetmet suksese që po le Rilindja pas janë malet me plehra që lartësohen. Blushi gjithashtu theksoi se fatura e këtij pisllëku është mbi 32 milionë euro/vit.
"Ndodhem në zemër të Selitës, aty ku malet me plehra lartësohen dhe po kapin çatitë e këtyre kodinave që janë në prag të shembjes. Në fakt, po lartësohen çdo ditë bashkë me to dhe pasurimi i paligjshëm i Edi Ramës dhe i të gjithë zyrtarëve të tjerë të Rilindjes përfshirë dhe ish- kryetarit të Bashkisë së Tiranës, i cili dhe pse ndodhet në qeli vijon të vjedh taksat e qytetarëve të kryeqytetit për shkak se afera e inceneratorit inekzistent vijon dhe pagesat vijojnë të paguhen ndërkohë që plehrat po përmbysin Selitën dhe gjithë Tiranën.
Të vetmet “suksese” që po le pas “Rilindja” në Tiranë janë malet me plehra që lartësohen. Fatura e këtij pisllëku është mbi 32 milion euro/vit taksa që nuk shkojnë për pastrimin por përfundojnë te inceneratori që nuk ekziston dhe kompania e lidhur me Ndranghetan. Më 11 Maj është koha t’i fusim fshesën “Rilindjes”, ngrehinës së pisllëkut që ka asfiksuar të gjithë Shqipërinë", u shpreh Blushi.
