Detaje të reja dhe zhvillime të bujshme vijnë nga hetimet për përplasjen me armë në Maliq, ku mbeti i vrarë një e...
POLITIKE
Ambasadori i BE: Vettingu në drejtësi të përmbyllet brenda qershorit 2026. Dënojmë sulmet ndaj OMN
PiranjatPërditësimi i fundit 29 Tetor 2025, 17:19
Ambasadori i BE-së në Shqipëri, Silvio Gonzato kërkon që procesi i vettingun në drejtësi të përmbyllet brenda qershorit të vitit të ardhshëm. Gjatë një vizite në Kolegjin e Posaçëm të Apelimit, Silvio Gonzato, ku u takua me Kryetarin e Kolegjit, Sokol Çomo, ai nënvizoi rëndësinë e finalizimit të të gjitha aktiviteteve të procesit të vettingut përpara qershorit 2026, kur përfundon mandati kushtetues i institucioneve të rivlerësimit.
“Procesi i vettingut është themelor për ndërtimin e një sistemi drejtësie të besueshëm dhe të pavarur. Bashkimi Evropian mbetet plotësisht i angazhuar në mbështetje të këtij procesi dhe të Operacionit Ndërkombëtar të Monitorimit (ONM),” deklaroi ambasadori Gonzato.
Ai dënoi gjithashtu sulmet dhe fushatat e dezinformimit të fundit ndaj ONM-së dhe vëzhguesve ndërkombëtarë, duke i cilësuar ato si të papranueshme dhe të dëmshme për besimin publik tek reforma në drejtësi. “Bashkimi Evropian qëndron fort në mbështetje të procesit të vettingut dhe të Operacionit Ndërkombëtar të Monitorimit (ONM). Sulmet e fundit të pajustifikuara dhe dezinformimi ndaj ONM-së dhe vëzhguesve të saj ndërkombëtarë janë të papranueshme dhe synojnë të minojnë besimin te sistemi i drejtësisë dhe reforma në drejtësi”, tha ai.
