Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
"Asnjë taksë deri në 10 vjet për 500 aplikantët e parë", Rama: ‘Paketa e Maleve’, mbështetje për të gjithë ata që duan të rikthehen në tokat e të parëve
n.fPërditësimi i fundit 27 Mars 2025, 08:29
TIRANË- Kryeministri Edi Rama për mes një postimi në "Facebook" ka shkruar në lidhje me "Paketën e Maleve". Rama u shpreh se ligji i sapomiratuar i hap rrugë investimeve në agroturizëm, agropërpunim dhe turizëm malor.
Sipas tij "Paketa e Maleve" u jep një mundësi reale dhe mbështetje të gjithë atyre që duan të rikthehen në tokat e të parëve për të investuar. Ai ka theksuar se 500 aplikantët e parë do të kenë 0 taksa e TVSH për 10 vite.
"MIRËMËNGJES dhe me “Paketën e Maleve”, një ligj i ri i sapomiratuar që i hap rrugë investimeve në agroturizëm, agropërpunim dhe turizëm malor, duke u dhënë një mundësi reale dhe mbështetje të posaçme të gjithë atyre që duan të rikthehen në tokat e të parëve nga qyteti apo nga jashtë vendit, për të arritur një sukses ekonomik për familjen e tyre, me procedura krejt të thjeshtuara dhe lehtësira fiskale, deri edhe 10 vjet Zero Taksa e Zero TVSH për 500 aplikantët e parë, ju uroj një ditë të mbarë," shkruan Rama.
”Paketa e Maleve” synon të mundësojë investime për zhvillimin e turizmit, rimëkëmbjen e ekonomisë e nxitjen e punësimit në zonat malore. Paketa synon të krijojë një ekuilibër në zhvillimin e qëndrueshëm të aktiviteteve ekonomike të turizmit malor, bujqësisë, industrisë dhe inovacionit të lidhur me ekosistemin e këtyre zonave, bazuar në mbrojtjen e peizazhit natyror, ruajtjes së trashëgimisë kulturore, kulturës dhe identitetit lokal në këto zona të shpallura me përparësi për zhvillimin e ekonomisë malore.
