Qytetarët do të mblidhen sërish sot në sheshin përpara Kryeministrisë, ndërsa shënohet dita e 102-të e revolt&eum...
POLITIKE
“Balluku mund të akuzohet si kapo e 5 grupeve kriminale”/ Berisha: 20 shkurti është dita e kryengritjes më të madhe paqësore në histori
PiranjatPërditësimi i fundit 17 Shkurt 2026, 13:54
Kreu i PD Sali Berisha i ka bërë thirrje qytetarëve shqiptarë që të marrin pjesë në protestën që do të mbahet më datën 20 mars.
Në një konferencë për gazetarët ai e ka quajtur 20 marsin si dita e kryengritjes më të madhe paqësore në historinë e vendit.
“Të gjitha këto janë dëshmi se Edi Rama po bën gjithçka për të qëndruar në pushtet, për të mbrojtur veten nga krimet monstruoze që ka kryer. Unë u garantoj shqiptarëve se ajo që është lakuar me qindra e qindra herë se ai është kryetari i një organizate kriminale, ajo është 100 përqind e vërtetë. Se ministrat e tij janë anëtarë të kësaj organizate, ajo është 100 përqind e vërtetë. Se Lubi Balluku mund të akuzohet si kapo jo e një grupi apo organizate të strukturuar kriminale, por minimumi të pesë të tilla. Më thoni ju mua, ju e ndoqët tunelin e Llogarasë, a nuk është kjo me Berberin, me ato anëtarët e tjerë të KVO-së, a nuk përbëjnë këta një grup të strukturuar kriminal? Në çdo lloj varianti këta janë vetëm një grup i strukturuar kriminal. A nuk janë tenderat e unazës së madhe një grup i strukturuar kriminal? A nuk janë shitblerjet e energjisë një grup i strukturuar kriminal? Po marr këto, por janë plot të tjera. Gjithçka ka funksionuar mbi bazën e organizatave kriminale. Qytetarë dhe qytetare, sot më shumë se kurrë jeni të thirrur të merrni në dorë fatin tuaj, fatin e vendit tuaj, 20 shkurti është dita e kryengritjes më të madhe paqësore në histori që e pret çdo shqiptar, por që e presin mbarë vendet demokratike të Europës dhe të botës”, tha ai.
