Një zë i rëndësishëm në Kongresin e Shteteve të Bashkuara të Amerikës, republikania Alexandria Ocasio Cortez ka rea...
POLITIKE
Bardhi thirrrje opozitarëve: Mbështesni Florjan Binajn, Bashkia e Tiranës ka shansin të çlirohet nga pengmarrja e interesave të vogla
PiranjatPërditësimi i fundit 6 Tetor 2025, 17:06
Gazmend Bardhi përmes një postimi në rrjetet sociale shprehet se Partia Demokratike do të mbështesë kandidaturën Florjan Binajt për zgjedhjet e pjesshme vendore për Bashkinë e Tiranës.
Bardhi bën thirrje që opozitarët të bashkohen në këtë mbështetje ndaj një personaliteti me reputacion të gjerë tek i cili gjejnë veten më shumë se kushdo tjetër të përfaqësuar, qytetarët e Tiranës.
Reagimi i plotë:
Partia Demokratike do të mbështesë kandidaturën e z. Florjan Binajt për zgjedhjet e pjesshme vendore për Bashkinë e Tiranës. Grupi i mandatuar nga PD do t’u paraqesë aleatëve, mendimin dhe sugjerimin që të mbështesim së bashku artistin e mirënjohur, personalitetin e shquar të artit, komunikatorin e talentuar, z. Florjan Binaj.
Shpresojmë që aleatët opozitarët të bashkohen në këtë mbështetje ndaj një personaliteti me reputacion të gjerë tek i cili gjejnë veten më shumë se kushdo tjetër të përfaqësuar, qytetarët e Tiranës. Florjan Binaj është një alternativë e shkëlqyer për qytetarët e Tiranës, një familjar shembullor, një qytetar i përkushtuar ndaj të mirës së përbashkët, një mbrojtës i pakompromis i të drejtave të qytetarëve.
Me të në krye, Bashkia e Tiranës ka shansin të çlirohet nga pengmarrja e interesave të vogla të një grushti njerëzish që kanë marrë peng qytetatin. Me Florin në krye të punëve të qytetit kam bindjen që Tiranës do ti kthehet përsëri buzëqeshja dhe shpresa për një të ardhme më të mirë. Fitore!
