Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
POLITIKE
“Belinda Balluku duhet të japë dorëheqjen”, deputetja: Vjedhja nga afera e Tuneli të Llogarisë shkon në 75 mln euro. Si u zhdukën dy urat nga projekti
PiranjatPërditësimi i fundit 9 Nëntor 2025, 13:17
Deputetja e Partisë së Lirisë, Erisa Xhixho, foli sot në studion e News24 për aferën e Tunelit të Llogarasë, për të cilën është marrë e pandehur zv.kryeministrja, Belinda Balluku.
Balluku akuzohet për shkelje të barazisë në tenderin për Tunelin e Llogarasë.
Xhixho tha se shqiptarëve u janë vjedhur në total 75 mln euro nga kjo aferë.
Deputetja tha se 50 mln euro janë vjedhur nga anulimi i tenderit të parë te kalimi te tenderi i dytë, ndërsa 25 mln janë vjedhur nga “zhdukja e dy urave në projekt”.
Xhixho zbuloi se në projektin fillestar ka pasur dy ura, ndërkohë që në projektin përfundimtar këto ura janë zhdukur. Sipas saj kosto e këtyre urave është mbi 25 mln euro.
Në fund ajo theksoi se Balluku duhet të japë dorëheqjen, sepse rrezikon të prishë provat.
Erisa Xhixho: Skandal i një afere korruptive të jashtëzakonshme, mund të vjedhësh një popull, por të vjedhësh popullin më të varfër në Europë ku 55% e qytetarëve shqiptarë mezi mbyllin muajin kjo është kriminale. Kemi të bëjmë me një aferë të pastër korruptive, mbi 50 mln dollarë të vjedhura në anulimin nga tenderi i parë në tenderin e dytë nga zonja Balluku.
Dhe së fundmi është denoncuar fakti që në projektin fillestar ka pasur dy ura, ndërkohë që në projektin përfundimtar këto ura janë zhdukur dhe kosto e këtyre urave është mbi 25 mln euro. Pra në total shkon në 75 mln euro vjedhje.
Askush nuk është aq naiv, sa të besojë që dardhat dhe mollët u hëngrën pas krahëve të Ramës, pa dijeninë e Ramës. Në momentin që kemi një aktakuzë ndaj zv.kryeministres do duhet të kishte një dorëheqje dhe një shkarkim, sepse nuk mund të vijojë zonja punën.
