Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Berisha: Drejtësia e re është rrezik jo vetëm për shqiptarët, por edhe për rajonin dhe Europën, sepse zbaton verbërisht urdhrat e Ramës
E.DPërditësimi i fundit 15 Korrik 2024, 21:02
Sali Berisha
TIRANË- Kreu i Partisë Demokratike Sali Berisha në fjalimin e tij të përnatshëm ka paralajmëruar se drejtësia e re është një rrezik jo vetëm për shqiptarët por edhe rajonin dhe Europën, pasi zbaton urdhrat e kryeministrit Edi Rama. Më tej Berisha iu drejtua qytetarëve duke u thënë që të mos harrojnë ata që në kulmin e drogës dhe të kanabizimit, përgëzonin Saimir Tahirin për rezultate të shkëlqyera në luftën kundër kanabizimit dhe e dërgonin me Edi Ramën në Shtëpinë e Bardhë.
"Zotërinj, përfaqësues ndërkombëtarë në Tiranë, para se të mbroni këtë mercenar, shtrojini vetes pyetjen, a mund të rritet 83 herë çmimi i sterilizimeve? A mund të përjashtohen çdo vit mbi 1 mijë të sëmurë nga operacionet, sepse spitalet nuk paguajnë dot? Mos investoni nëse nuk jeni të implikuar. Nëse nuk keni deklarata të shitura apo të blera, aty ku nuk duhet investuar. Populli shqiptar kaloi një periudhë dramatike të historisë së tij, braktis këtë vend si në asnjë pushtim tjetër në histori. Mos mbroni pushtuesin më të keq të shqiptarëve sepse komprometoni veten. Mos harroni McGonigalin. Mos harroni ambasadorë të tjerë si Alistair King-Smith etj. Mos harroni ata që në kulmin e drogës dhe të kanabizimit, përgëzonin Saimir Tahirin për rezultate të shkëlqyera në luftën kundër kanabizimit dhe e dërgonin me Edi Ramën në Shtëpinë e Bardhë. Shqiptarët kalojnë kohëra dramatike, por prapë janë komb i vjetër, janë komb që dinë t’i kapërcejnë vështirësitë, janë komb që dinë të fitojnë dhe do të fitojnë.
Do fitojnë sepse çdo ditë e më shumë ata binden të marrin fatin në duart e tyre. Të marrin fatin e vendit të tyre në duart e tyre. Sot pra i bënë autopsinë, deputetët e PD, kufomës së kalbur të drejtësisë së re, që kundërmon në Shqipëri dhe botë. Që është rrezik jo vetëm për shqiptarët, por rrezik për rajonin dhe Europën, sepse zbaton verbërisht urdhrat e Edi Ramës. A e dëgjuat o miq, se si tha, në janar do merrem me krimin elektoral. Gënjeshtar i pafytyrë, njeri pa dinjitet. Në janar do merret se i skadon mandati. Kërkon t’ia dyfishojnë. Prandaj dhe shpresa e vetme jeni ju. Shpresa e fundit jeni ju. Edhe njëherë, betejë, betejë dhe vetëm betejë. Rrofshi ju, fitore, fitore, fitore!" tha Berisha.
