Përpara bllokut të sigurisë pranë Komisariatit nr. 3 në Tiranë, një burrë 54-vjeçar përpiqet të mbaj&...
POLITIKE
Berisha nga Gjermania: Fitorja e CDU më e rëndësishmja në botë për qendrën e djathtë pas asaj të Trump
r.llPërditësimi i fundit 3 Shkurt 2025, 20:19
sali berisha
GJERMANI- Kryetari i Partisë Demokratike, Sali Berisha ka folur nga Gjermania, ku po merr pjesë në Kongresin e CDU-së. Berisha e ka cilësuar Kongresin si madhështor, ku tha se ishte kënqësi të merrte pjesë në një ngjarje të tillë. Ai tha se kishte pasur një takim me Friedrich Merz dhe me shumë personalitete të tjera të rëndësishme të CDU. Lideri demokrat tha çështja kryesore e këtyre takimeve ishte bashkëpunimi mes Partisë Demokratike, opozitës shqiptare dhe CDU-së.
Berisha iu bëri thirrje shqiptarëve në Gjermani, që në zgjedhjet e përgjithshme të Shkurtit të votojnë CDU-në dhe kancelarin Merz, si "zgjedhjen në interesin më të mirë të vendit ku jetojnë, por edhe të shqiptarëve në Shqipëri dhe kudo në botë." Më tej kreu i PD-së tha se fitorja e Merz në Gjermani është fitorja më e rëndësishme në botë për qendrën e djathtë pas fitores së Donald Trump në SHBA.
FJALA E BERISHËS:
Së pari ky ishte një kongres madhështor, me të cilin po kurorëzohet fitorja e Kancelarit të ardhshëm, Frederic Merz, njeriu më të rëndësishëm të Europës. Për mua ishte kënaqësi e madhe, që vija në një ngjarje të tillë pas shumë vitesh. Pata rastin të takoj shumë miq të mëparshëm, miq të rinj dhe një shtrëngim duarsh të përzemërt me kancelarin e ardhshëm, Merz dhe me shumë personalitete të tjera të rëndësishme të kësaj partie.
Në të gjitha këto takime, bashkëpunimi mes Partisë Demokratike, opozitës shqiptare dhe CDU-së ka qenë një çështje kryesore, sikundër e shfrytëzoj këtë rast për të ju bërë thirrje shqiptarëve në Gjermani, që në zgjedhjet e përgjithshme të Shkurtit të votojnë CDU-në dhe kancelarin Merz, si zgjedhjen në interesin më të mirë të vendit ku jetojnë, por edhe të shqiptarëve në Shqipëri dhe kudo në botë.
Pas fitores së republikanëve në SHBA, fitorja e CDU-së në Gjermani, do të thotë defakto largimin e të majtës nga skartierja evropiane dhe shqiptare. Siç dihet fitorja në Gjermani, bën vendin e 77 njëri pas tjetrit që e majta mundet dhe triumfon qendra e djathtë dhe e djathta. Natyrisht fitorja e kancelarit të ardhshëm Merz në Gjermani, pas fitores së Donald Trump është fitorja më e rëndësishme në botë për qendrën e djathtë.
