Një ngjarje tragjike goditi familjen shqiptare Manati, me origjinë nga Lushnja, në Jacksonville të Floridës, ku tre fëmijë hu...
POLITIKE
Besart Xhaferri: Të miratohet urgjentisht statusi i minatorit, kompania po i trajton si jetimë në vendin e tyre
PiranjatPërditësimi i fundit 14 Nëntor 2025, 12:07
Deputeti Besart Xhaferri ka kërkuar në Komisonin e Ekonomisë miratimin e statusit për minatorët.
Xhaferri shkruan se qeveria nuk e miraton këtë status, sepse e ka mendjen të harxhojë para për luks.
Postimi deputetit Besart Xhaferri
Në Komisionin e Ekonomisë patëm një dëgjesë me minatorët e Spaçit në Mirditë, që prej një muaji janë në protestë për paga dhe kushte më të mira pune.
Është e turpshme braktisja që shteti shqiptar u ka bërë këtyre burrave, që përballen çdo ditë me vdekjen për t’iu çuar bukë fëmijëve të tyre në darkë.
Kërkova që halli i këtyre burrave të jetë prioritet i punës në komisionin tonë, pasi kompania turke po i trajton si jetimë në vendin e tyre dhe kjo mund të ketë pasoja të rënda për palët, pasi konflikti mund të agravojë.
Ndërkohë që kjo qeveri, që harxhon miliona euro për luks të shfrenuar, ka 12 vite që refuzon propozimin për miratimin e statusit të minatorit. Janë mijëra burra në Tropojë, Has, Kukës, Mirditë, Dibër, Mat, Bulqizë, Pogradec, Tepelenë e Selenicë, që janë në pritje të miratimit të statusit të minatorit. Statusi duhet të miratohet urgjentisht, pasi profesioni i minatorit është më i vështiri.
