Një ngjarje e rëndë dyshohet se ka ndodhur sot në Tropojë, ku sipas informacioneve, katër punonjës të Bashkisë Tr...
POLITIKE
Bujqësia dhe blegtoria në ditën më të zezë/ Rama ofendon fermerët pasi u hoqi naftën: Kërkoni gjëra që nuk i ka as BE
PiranjatPërditësimi i fundit 11 Prill 2026, 18:35
Bujqësia dhe blegtoria në Shqipëri janë në ditët e tyre më të zeza, për shkak të braktisjes së fshatit dhe shpopullimit të vendit. Por sikur të mos mjaftonte kjo, për të bërë edhe më të keqe gjendjen e fermerëve ka menduar Edi Rama.
Vetëm pak ditë më parë ai njoftoi se do kishte hequr skemën e mbështetjes së fermerëve me naftë pa taksa, duke bërë që ata të blejnë karburantet me çmimin e tregut.
Por sot në Lushnje, Edi Rama ka shkuar edhe më tej, duke i ofenduar dhe shprehur se, skemën që ata kërkojnë, pra naftën pa taksa, nuk e ka as BE-ja.
‘E neveritshme se si për hir të një luftë të verbër as politike, por tribale fare, angazhohet një lukuni e tërë tenxheresh për të nxjerrë nga konteksti atë që themi dhe për të vazhduar t’i bjerë një fylli në të njëjtën vrimë, jepni naftë.
Nuk e ka BE këtë skemë, ne po shkojmë drejt BE, jemi kritikuar, e kemi justifikuar me idenë e një faze të caktuar. S’do japim një mbështetje në bazë të sasive që është një llogari 300 mijë lekë të vjetra, shkon në 7-8 mijë euro me skemën e re, në rast se ai që shet prodhimin e vet paraqet faturën, direkt fermeri. bli naftë sa të duash, por nuk është nafta këtu.
Ata që flasin janë të verbër dhe të ligë’, tha Rama.
