Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
‘Burgu i Eskobarit me socialistë’/ Safet Gjici i bashkohet kolegëve, dërgohet në paraburgimin e Durrësit
PiranjatPërditësimi i fundit 27 Qershor 2023, 11:05
Ish-kryebashkiaku i Kukësit Safet Gjici, njësoj si kolegët e tij socialistë, do të qëndrojë në paraburgimin e Durrësit deri në përfundim të hetimeve nga ana e SPAK.
Gjici është dërguar në këtë institucion të sigurisë pasditen e djeshme pasi akuzohet për veprën penale të ‘korrupsionit pasiv’, pas publikimit të videos seksual në zyrën e bashkisë, ku i jepte tenderin e kastrimit të qenëve të rrugës, vajzës protagoniste të skandalit, Alma Kaçit.
Deri tani, në të njëjtin paraburgim po mbahen aktualisht edhe ish-kryebashkiaku i Durrësit Vangjush Dako, ish-ministri Lefter Koka si dhe ish-deputeti i PS-së, Alqi Bllako.
Kryetari i PD-së, Sali Berisha e ka paralajmëruar në denoncimet e tij edhe arrestimin e ish-kryebashkiakut Vangjush Dako, duke theksuar se burgu i Durrësit po hëhet burgu i VIP-ave dhe të kujton paraburgimin e Eskobarit ku ishte ky që i përcaktonte kushtet.
"Në burgun e Durrësit është bërë gati dhoma tek sektori shëndetësor. Përderisa po hetohen nga SPAK-u, duhet të qëndrojne ose tek 313 ose 302. Ai sektor po bëhet burgu i VIP-ave dhe të kujton paraburgimin e Eskobarit ku ishte ky që i përcaktonte kushtet....," denonconte Berisha.
Kujtojmë se në fillim të viteve 1990, kreu i kartelit më të rrezikshëm të drogave Pablo Escobar pranoi të kalonte pesë vjet në burgun e tij privat të luksit, me hapësira të caktuara për ‘jacuzzi’, fusha futbolli, pista uljeje helikopteri e madje dhe ushtrinë e tij private.
Sipas marrëveshjes së “dorëzimit”, Escobar duhet të kalonte pesë vjet në burgun e ndërtuar prej tij, që quajtur ‘Katedralja’.
Për fatin e keq të shqiptarëve, edhe sot Edi Rama, përcakton kushtet e arrestimit të ministrave, e krybashkiakëve të tij që arrestohen për veprat më të lehta të mundshme, për tu pastruar nga akuzat e rënda.
