Spitalet vijojnë të kenë mangësi në pajisje, përveç mungesëa së konstatuar dhe të ngritur si problematik&e...
POLITIKE
Cërriku kundër reformës territoriale, banorët firmosin peticionin: Nuk pranojmë bashkimin me Elbasanin dhe Belshin
PiranjatPërditësimi i fundit 10 Gusht 2026, 22:33
Banorë të shumtë të Cërrikut janë mbledhur pasditen e sotme në sheshin kryesor të qytetit, ku kanë firmosur një peticion kundër reformës së re administrativo-territoriale, e cila parashikon bashkimin e Bashkisë Cërrik me Bashkinë e Belshit dhe atë të Elbasanit.
Qytetarët shprehen se do ta vijojnë qëndrimin e tyre kundërshtues deri në një rishikim të vendimit, duke kërkuar që përpara çdo ndryshimi të merret edhe mendimi i banorëve përmes një procesi të konsultimit publik.
Një pjesë e qytetarëve shprehen të zhgënjyer me vendimin e qeverisë, duke thënë se ndër vite i kanë besuar Partisë Socialiste. Sipas tyre, bashkimi i Cërrikut me Elbasanin do t’ua vështirësojë ndjeshëm jetën, pasi për shërbime, dokumente apo problematika të ndryshme do të duhet t’i drejtohen Bashkisë së Elbasanit.
Banorët argumentojnë gjithashtu se Cërriku nuk ka lidhje administrative dhe sociale me Elbasanin dhe se qyteti ka një numër të konsiderueshëm banorësh, më të lartë se disa bashki të tjera që kanë vijuar të qëndrojnë si njësi të pavarura vendore.
Ata paralajmërojnë se protestat dhe aksioni qytetar do të vijojnë edhe në ditët në vazhdim. Në një kohë të shkurtër, banorët thonë se kanë arritur të mbledhin një numër të konsiderueshëm firmash në mbështetje të kësaj kauze.
Sipas tyre, procesi është shoqëruar edhe me mesazhe që ata i konsiderojnë kërcënuese ndaj qytetarëve që i janë bashkuar kundërshtimit të reformës territoriale.
Banorët e Cërrikut kërkojnë që vendimi të rishikohet dhe që çdo ndryshim i hartës territoriale të bëhet vetëm pas konsultimit dhe marrjes së miratimit të komunitetit.
