Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
“Dënimi 45 vite, varrosje për së gjalli”, Rama sulmon Hagën: Prokurori idiote, me instrumente politike si gjykatat serbe!
PiranjatPërditësimi i fundit 16 Shkurt 2026, 13:29
Kryeministri Edi Rama ka shpërthyer sot në Prishtinë kundër Gjykatës Speciale në Hagë ku po gjykohen krerët e UÇK.
Ai u shpreh se Prokuroria Speciale është një prokurori idiotësh që janë kthyer në instrumente politikë edhe më shumë se prokuroritë e Serbisë.
Rama u shpreh se për turpin e shteteve demokratike, katastrofa që po zhvillohet në Hagë po ndiqet prej tyre në heshtje, ndërsa 4 krerët e UÇK rrezikojnë të dënohen.
“Është prokurori idiote. Ata nuk janë vetëm idiotë, por instrumente edhe më politike se gjykatat në Serbi, në raport me Kosovën. Me ligjet e kohës, nëse i referohemi, kur ka ndodhur lufta, nëse UÇK nuk do ta fitonte luftën dhe populli nuk do të çlirohej, në gjykatat e asaj Serbie nuk do të gjykojë kush. 45 vite, varrosje për së gjalli e njerëzve. Drejtësia ndërkombëtare, e financuar nga shtetet demokratike që për turpin e tyre vazhdojnë ta ndjekin këtë katastrofë për Europën dhe botën demokratike, për 4 njerëz krejtësisht të pafajshëm. Kjo bën fatkeqësisht që ne sot të ngremë një pikëpyetje për veten tonë se çfarë mund dhe duhet të bëjmë! Nuk e kam përgjigjen për këtë.”, tha ai.
