Dy reparte ushtarake, konkretisht ai 3001 dhe 1001 kanë një plan investimesh prej 25.7 miliardë lekësh ose 271 milionë eurosh nga bux...
POLITIKE
Deputetët e opozitës takim me drejtorin e NDI/ Ina Zhupa zbardh diskutimet: Integrimi në BE kërkon një demokraci funksionale
PiranjatPërditësimi i fundit 19 Maj 2026, 11:31
Deputetët e Partisë Demokratike, Ina Zhupa dhe Ivi Kaso zhvilluan një takim me drejtorin rajonal për Europën të Institutit Kombëtar Demokrat (NDI), Scott Bates.
Zhupa, njëherësh kryetare e komisionit për Kulturën, Turizmin dhe Diasporën, bëri me dije se gjatë takimit, biseduan mbi programet e NDI në mbështetje të transparencës, gjithëpërfshirjes dhe forcimit të rolit të Kuvendit, si dhe për sfidat me të cilat përballet sot opozita në Shqipëri në ushtrimin e funksionit të saj kushtetues.
“Diskutuam gjithashtu mbi standardet zgjedhore, votën e diasporës, nevojën për zgjedhje të lira e të ndershme, forcimin e institucioneve demokratike dhe rëndësinë e një klime politike që garanton konkurrencë të barabartë”, nënvizoi më tej Zhupa.
Sipas saj një pjesë e rëndësishme e diskutimit ishte edhe procesi i integrimit europian të Shqipërisë, ku u theksua se avancimi drejt Bashkimit Europian kërkon jo vetëm përmbushje teknike të kritereve, por edhe funksionim real të demokracisë, shtetit të së drejtës dhe respektimit të pluralizmit politik.
“NDI ka dhënë ndër vite një kontribut të vyer në jetën parlamentare dhe demokratike në Shqipëri dhe mbështetja e tyre për forcimin e institucioneve meriton vlerësim”, nënvizoi deputetja demokrate.
