Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
"Do të ndjekim me përgjegjshmëri jetën parlamentare!" Peleshi: Nuk e kemi kuptuar vendimmarrjen e opozitës
M.B.Përditësimi i fundit 30 Shtator 2024, 12:34
TIRANA- Kreu i Grupit Parlamentar të Partisë Socialiste ka folur për mediat pas mbledhjes së këtij grupimi. Ai tha se jeta parlamentare po vazhdon dhe ata do ta vazhdojnë. Peleshi shtoi se ata nuk e kanë kuptuar vendimmarrjen e opozitës dhe se nuk ka qenë e nevojshme që mbledhjet të zhvillohen online. Gjithashtu ai tha se shpreson që opozita të mos t'i rikthehet bojkotit.
“Jemi para një seance parlamentare të ditës së enjte dhe seancës së komuniteteve, që nuk ka një ngarkesë të madhe. Kemi diskutuar për rendimin e ditës dhe grupi do të ndjekë me përgjegjësi jetën parlamentare, komisionet dhe seancat. PS ka qenë në terren javën e kaluar në kuadër të javës së gjelbër dhe një aktiviteti politik të shtuar, pasi po futemi drejt fazës së zgjedhjeve.
Sot u zhvillua një seancë në Komisionin e çështjeve Europiane, ku ka kaluar raporti për pozicionin e Shqipëri për integrimin në BE. Në mbledhje kanë marrë pjesë dhe disa deputetë të opozitës. Jeta parlamentare po vazhdon, ne do ta vazhdojmë.
Nuk kemi pse paragjykojmë, deri tani nuk ka qenë e nevojshme të zhvillohen online. Nuk e kemi kuptuar mirë vendimmarrjen e opozitës. Shpresoj mos të përkthehet si bojkot. Bllokim nuk e di çfarë do të thotë, ne na qëndron mbi krye ligji, rregulloja dhe Kushtetuta", tha Peleshi.
