Ditën e sotme vendi ynë do të ndikohet nga kushte atmosferike të paqëndrueshme.
Moti parashikohet me vranësira mesatare dhe t&e...
POLITIKE
"Duhen 19 vite punë për të blerë një apartament"/ Tabaku: Shqipëria ka nevojë për një model të ri ekonomik
PiranjatPërditësimi i fundit 5 Tetor 2025, 14:41
Deputetja e Partisë Demokratike, Jorida Tabaku, përmes një video-mesazhi në rrjetet sociale, ka theksuar se kriza më e rëndë që po kalon Shqipëria nuk është vetëm ekonomike, por është “kriza e familjes shqiptare”. Ajo e shprehu shqetësimin për vështirësitë e mëdha që po hasin qytetarët, veçanërisht familjet, për të përballuar jetesën.
“Sot, një person për të jetuar në Tiranë i duhen 46 mijë lekë të reja vetëm për shpenzimet bazë të jetesës, për ushqim dhe nevoja të tjera, pa llogaritur banesën. Ndërsa një familje me dy fëmijë ka nevojë për 87 mijë lekë në muaj. A mund të jetojë një familje që merr dy paga minimale me këto çmime të rritura? Sigurisht që jo,” tha Tabaku në postimin e saj.
Deputetja e PD-së theksoi gjithashtu se rritja e çmimeve është kthyer në një sfidë të madhe për mbijetesën e familjeve shqiptare dhe është një nga arsyet kryesore pse të rinjtë nuk mund të krijojnë dot familje të reja. “Për të blerë një apartament sot, duhen 19 vite punë. Për të përballuar jetesën, duhen shpenzime pa fund,” shtoi ajo.
Në përfundim, Tabaku kërkoi një ndryshim të modelit ekonomik, duke theksuar se aktuali favorizon pak duar dhe pengon konkurrencën. “Ky model duhet të ndryshojë. Shqipëria ka nevojë për një model të ri ekonomik që mbështet punën, shtresën e mesme dhe rrit konkurrencën në treg, jo për një sistem që e detyron qytetarin të mbijetojë,” shprehet deputetja demokrate.
