Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
POLITIKE
Fatmir Xhafaj rrëfeu versionin e tij për çështjen "Babale", Salianji nga burgu: Ju parashtroj çfarë deklaroi e mashtroi dhe faktet një pas një të ballafaquara
M.B.Përditësimi i fundit 10 Tetor 2024, 15:30
TIRANA- Ervin Salianji ka reaguar nga burgu pas intervistës së mbrëmjes së shkuar të deputetit socialist Fatmir Xhafaj i cili dha versionin e tij lidhur me çështjen "Babale". Salianji rendit ndërkohë në reagimin e tij 10 fakte që kundërshtojnë Xhafajn dhe që sipas tij, që nuk fshihen dot.
Ai thotë se Xhafaj tha se investigimin e ka kryer Salianji, por ky i fundit pohon investigimin e ka marrë të gatshëm. Gjithashtu Salianji shton se qelizat tregojnë që komunikimin e ka nisur Jetmir Olldashi me A. Veliun.
Demokrati po ashtu thotë se Xhafaj qëndroi Ministër derisa e gjithë dosja e të vëllait u kopsit, pra denoncimi ndodhi, sipas Salianjit në atë kohë. Ai thotë se Geron Xhafaj shkoi të kryente dënimin sepse kjo ishte e vetmja mënyrë që mos të niste hetim i ri penal për të nga drejtësia.
Reagim nga kabina telefonike e Ervin Salianjit:
Fatmir Xhafaj dhe dështimi i tij publik për të mbrojtur vendimin e Gjykatës së Apelit që e pregatiti vetë! 10 faktet e thjeshta që nuk fshihen dot!! Nga qelia e burgut po ju parashtroj çfarë deklaroi e mashtroi dhe faktet një pas një të ballafaquara. Por në parashtresë duhet të them që nënqesh fort me cinizmin që Xhafaj përlotet për gabimin “ e vogël” të vëllait 22 vjeçar që ishte trafikant narkotrafiku me dënim të gjykatës italiane, dhe jam krenar për veten që unë në moshën 20 e ca vjeçare hyja në fushat e kanabisit dhe denoncoja trafikun e drogës të qeverisë. Mjafton kjo pasqyrë e dy fytyrave të realitetit për të nënqeshur me dyfytyrësinë me pafytyrësi.
Kështu:
F.Xhafaj tha: Investigimin e ka kryer Salianji! Fakti: Ylli Rakipi (I përmendur nga Xhafa), ka deklaruar që investigimin e kam autorizuar unë. Gazetari Jetmir Olldashi ka deklaruar më pas që investigimin e kam kryer unë. Albert Veliu (Babalja) në dëshminë e tij ka deklaruar që e ka kryer ai vetë përgjimin. Të gjitha të dhëna në dosje.
F.Xhafaj tha: Prokuroria ka kërkuar 1.6 muaj burg!! Fakti: Genc Qana prokurori ka kërkuar 6 muaj shërbim prove.
F.Xhafaj tha: Investigimin e ka kryer Salianji! Fakti: Unë Ervin Salianji, investigimin e kam marrë të gatshëm. Dëshmitariivetëm kundër tre dëshmive të tjera, del dëshmitariirremë Alizotiicili flet kundër meje. Ndërkohë ky është dënuar në burg për dëshmi të rreme dhe ASNJË provë e vetme nuk ka për një komunikim timin me Alizotin. Të gjitha fakte të administruara në dosjet e prokurorisë.
F.Xhafaj tha: Vëllai im Geroni në orën 3.30 ka qenë në Fier! Fakti: Qelizat telefonike siç do të shihni në tabelën e pulseve telefonike të cilat I ka prokuroria, qartazi nga ora 12.48 – 13.45 personat Albert Veliu (babalja) Agron (geron ) Xhafaj dhe Gazetari Jetmir Olldashi gjenden në të njëjtin ambjent, në lokalin e Geron Xhafaj në Vlorë.
F.Xhafaj tha: Komunikimin e ka kryer Salianji. Fakti: Qelizat tregojnë që komunikimin e ka nisur Jetmir Olldashi me A. Veliun.
Dokumenti:
F.Xhafaj tha: Salianji ndryshe ka thënë në prokurori ndryshe në publik! Fakti: Komunikimi ka nisur nga gazetari Olldashi, dhe në cdo deklaratë timen unë kam ruajtur burimin e informacionit dhe dëshmitarin siç e do çdo denoncim me rrezik të lartë. Faktithënë para drejtësisë.
F.Xhafaj tha: Investigimin e ka kryer Salianji!Fakti: Përgjimet mes Babales dhe Alizotit tregojnë se si Babalja/ Albert Veliu ithotë Fredi Alizotit : “ – Ku hyn ti tek kjo o Fredi”?
F.Xhafaj tha: Që ai vetë, Fatmir Xhafaj kishte dhënë dorëheqjen nga posti që të mos ndikonte në çështjen e të vëllait. Fakti: Ai qëndroi Ministër derisa e gjithë dosja e të vëllait u kopsit, pra denoncimi ndodhi.
F.Xhafaj tha: Geroni, Vëllai im shkoi ta kryente dënimin pa kërkesë. Fakti: Shkoi të kryente dënimin sepse kjo ishte e vetmja mënyrë që mos të niste hetim I ri penal për Geron Xhafën nga drejtësia. Gazetari Jetmir Olldashi ka deklaruar më pas që investigimin e kam kryer unë. Albert Veliu (Babalja) në dëshminë e tij ka deklaruar që e ka kryer ai vetë përgjimin.
F.Xhafaj deklaroi: Fatmiri përmendi Prokurorët e krimeve të rënda dhe SHISH. Fakti: Atëherë Fatmir Xhafaj dhe familjarët e tij duhet ti përgjigjen kësaj pyetje: Përse SHISH, Prokuroria e Krimeve të Rënda, e kishin nën survejim vëllain e tij Geron nëse ai nuk ishte kontigjent?!
