Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
Financimi i partive, Braçe: Sa më shumë afrohen zgjedhjet aq më i rrjedhshëm do të bëhet lumi i parave
M.B.Përditësimi i fundit 16 Tetor 2024, 13:33
TIRANA- Deputeti i Partisë Socialiste, njëherësh dhe Kryetari i Komisionit të Dezinformimit, Erion Braçe në një komunikim me gazetarët u pyet për deklratën e kreut të KQZ Ilirjan Celibashi për financimet e paligjshme të partive politike. Braçe e ka vlerësuar si një çështje shumë themelore, duke shtuar se janë fenomene që janë hasur.
“Celibashi ka folur sot për një çështje që është themelore të tretë që financojnë veprimtarit e partive politike. Ne kemi fenomene që i kemi hasur. Një element tjetër është edhe lobimi. Ajo që na shqetëson janë të tretët që financojnë veprimtarinë normale të partive politike. Sa më shumë afrove drejt zgjedhjeve aq më i rrjedhshëm do të bëhet lumi i parave”, tha ai.
Sa i përket mungesës së opozitës në Komisione, Braçe tha se puna do të vijojë normalisht.
"Ne do të vijojmë punën, Pala tjetër ka ngritur një perde zjarri. Për çfarë të flasim", ta ai.
Gjithashtu, Braçe ka deklaruar se ligji i mediave audiovizive ka probleme duke thënë se duhet përgjegjësi dhe edukim, në mënyrë që të rregullohet.
“Një ambient demokratik duhet të jetë u mbrojtur nga këto influenca dhe të jetë tërësisht i lirë. Ligji i mediave audiovizive ka probleme në momentin që ne flasim, kufizon veprimtarinë e AMA. Unë mendoj që të gjithë sektorët e medias duhet të vazhdojnë veprimtarinë në përputhje me ligjin. Ky shqetësim ngrihet dhe nga BE. Të gjithë ekspertët që ne kemi duhet ta rregullojnë vetë ligjin dhe jo ne. mund të rregullohet me përgjegjësi dhe me edukim të vetë mediave. Natyrisht, do të synojmë shumë te vetëedukimi. Modeli mund të jetë shumë i vlefshëm, mund të synojmë me rregullat që ka BE”, tha ai.
