Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
POLITIKE
"Fluks i shtuar aplikimesh për shkak të skadimit të kartave të ID", ministria e Brendshme: Zyrat e IdentiTek të hapura edhe më 10 maj! Ja oraret kur mund të tërhiqni kartat
n.fPërditësimi i fundit 9 Maj 2025, 13:12
TIRANË- Ministria e Brendshme përmes një postimi në "Facebook" ka bërë më dije një njoftim të rëndësishëm për qytetarët. Ministria njofton se zyrat e shpërndarjes së kartave të identitetit do të jenë të hapura edhe ditën e shtunë, datë 10 maj.
Sipas njoftimit ky vendim është marrë me qëllim për të ndihmuar qytetarët që nuk kanë mundur të tërheqin dokumentet në kohë. Më tej theksohet se zyrat e aplikimit të “IdentiTek” do të jenë të hapura nga ora 09:00 deri në orën 14:00 për tërheqjen e kartave.
Ministria shton se ditët e fundit ka patur një fluks të shtuar aplikimesh edhe për shkak të procesit të zgjedhjeve të përgjithshme të 11 majit. Ditë më parë qeveria miratoi një vendim që në rast se dokumenti biometrik që zotëron është me afat të skaduar qytetarët mund të votojnë.
"Zyrat e IdentiTek SHA të hapura edhe ditën e shtunë, 10 maj. Ministria e Brendshme njofton se zyrat e shpërndarjes së kartave të identitetit do të jenë të hapura edhe ditën e shtunë, datë 10 maj 2025.
Ky vendim është marrë nga shoqëria “IdentiTek”, me qëllim për t’u ardhur në ndihmë shtetasve që nuk kanë mundur të tërheqin dokumentet në kohë. Zyrat e aplikimit të “IdentiTek” do të jenë të hapura nga ora 09:00 deri në orën 14:00 për tërheqjen e kartave.
Këto ditë është konstatuar një fluks i shtuar aplikimesh nga shtetasit, të cilëve u kanë skaduar afatet e vlefshmërisë së dokumenteve të identitetit, e nxitur kjo edhe për shkak të procesit të zgjedhjeve të përgjithshme.
Qeveria miratoi gjithashtu Aktet Normative që çdo shtetas të votojë, edhe në rast se dokumenti biometrik që zotëron, është me afat të skaduar. Këto masa merren me qëllim që të garantohet mbarëvajtja e procesit zgjedhor dhe çdo shtetas të ushtrojë të drejtën e votës pa asnjë pengesë," thuhet në njoftim.
