Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
FOTO/ Firmos Megi Fino, ky është dokumenti i përgatitur për shkarkimin e Erion Veliajt
PiranjatPërditësimi i fundit 23 Shtator 2025, 12:05
Këshilli Bashkiak i Tiranës do të mblidhet sot në orën 16:00 për të shqyrtuar kërkesën për shkarkimin e Erion Veliaj nga detyra e kryebashkiakut.
“Piranjat” publikojnë dokumentin për propozimin e shkarkimit të Kryetarit të Bashkisë së Tiranëa, Erion Veliaj, nga ku edhe shfaqet dukshëm se firma kryesore është ajo e Megi Finos.
Megi Fino është pikërisht ajo që Veliaj e ngriti duke i dhënë karrigen e këshilltares në Këshillin Bashkiak, ndërsa sot ajo e lëshoi me mosmirënjohje. Megi Fino, vajza e të ndjerit Bashkim Fino.
Por mesa duket, Megi nuk është e vetmja që ka firmosur dhe është e gatshme ta shtyjë Veliajn drejt greminës. Ditën e djeshme, sekretari i Këshillit Bashkiak, Behar Zeneli – një individ që vinte nga radhët e LSI-së, por që tashmë nuk është as me Veliajn – injoroi edhe kërkesën e kryetarit të bashkisë për të marrë pjesë në mbledhjen për shkarkimin e tij, duke i dhënë vetëm të drejtën për t’u shprehur me shkrim.
Teksa më herët ka përfunduar edhe mbledhja e Komisionit për Çështjet Ligjore të Këshillit Bashkiak të Tiranës, ku u rrëzua kërkesa e Veliajt për të qenë prezent në mbledhjen e sotme.
Rikujtojmë që Kryetari i Bashkisë së Tiranës, Erion Veliaj, ndodhet në paraburgim që prej arrestimit të tij në 10 shkurt të këtij viti.
