Kreu i degës së Partisë Demokratike në Krujë, Aulon Kalaja, ka denoncuar publikisht presione të dyshuara të policisë n...
POLITIKE
“I dola zot Daniel Shimës që e rrëmbyen”/ Berisha: Por ky kishte bërë milionere nënën me paratë e AKSHI-t
PiranjatPërditësimi i fundit 7 Shkurt 2026, 18:20
Sali Berisha gjatë foltores në Kamëz akuzoi qeverinë dhe lidhjet e saj me klanet e drogës, duke treguar se në çdo takim me zyrtarët amerikanë janë diskutuar këto lidhje. Ai kritikoi ashpër mediat, duke thënë se 90% e tyre janë nën kontroll qeveritar dhe funksionojnë si “43 mashtrues profesionistë” që paguhen për të mashtruar qytetarët, me paratë që vjedhin nga qytetarët.
Berisha foli edhe një herë për rrëmbimin e Daniel Shimës, ish zv.drejtorit të AKSHI-t, për të cilin tha se i kishte dalë zot disa ditë me radhë.
Ai akuzoi se Shima dhe familja e tij kishin bërë miliona nga paratë e AKSHI-t, duke përfshirë nënën e tij, një rrobaqepëse që kishte regjistruar miliona në emër të saj.
Berisha: Në çdo takim me zyrtarët amerikanë janë klanet e drogës dhe lidhjet e qeveritarëve me klanet e drogës. Ja arritëm të paraqesim para shqiptarëve dhe botës se 90% e mediave janë në kontroll qeveritar. Më keq se në diktaturë.
Janë 43 mashtrues profesionist, që paguhen nga studio në studio vetëm për të mashtruar qytetarët. Paguhen me paratë që ju vjedhin qytetarëve. Degradim ekstrem i administratës. Anti qytetare. Njerëz të cilët, drejtor bashkie vjedh e vjedh ndërton pallate me Olsi Ramën dhe Veliajn. Qelqi. E rrëmbyen para ca javësh një Daniel Shimën dhe unë duke i dalë zot atij disa ditë me radhë. Danieli ishte si ai, kishte bërë nënën mln me vjedhjen e parave të AKSHI. Ajo rrobaqepëse dhe kishte regjistruar mln në emër të saj.
